Аркгэм

Аркгэм (па-ангельску: Arkham) — выдумленае места ў штаце Масачусэтс, ЗША. Упершыню згадваецца Гаўардам Лаўкрафтам. З тых часоў стаў неад’емнай часткай мітаў Ктулху.

Асноўныя зьвесткі

Дакладная лякацыя Аркгэма невядомая, але ведама, што ён знаходзіцца недалёка ад Інсмута й Даньвіча. Падчас вывучэньня твора Лаўкрафта можна выказаць здагадку, што Аркгэм ляжыць на поўначы ад Бостана й, імаверна, знаходзіцца ў вакрузе Эсэкс. Прататыпам Аркгэма, мажліва, паслужыла рэальнае (і таксама часта згадванае ў Лаўкрафта) места Салем.

Праз Аркгэм працякае рака Міскатонік. У Аркгэме разьмешчаны знакаміты Міскатанікскі ўнівэрсытэт, які неаднаразова іграў ролю ў твораў Лаўкрафта. Асноўнае друкаванае выданьне — «Аркгэм Эдвэртайзэр» — распаўсюджваецца таксама і ў Даньвічы. Да 1880 году яно называлася «Аркгэмская ґазэта».

Акрамя ўнівэрсытэту, заслугоўваюць увагі такія арґанізацыі, як Аркгэмскае гістарычнае таварыства й Аркгэмскі вар’яцкі дом.

Аркгэм — места, якое захоўвае нямала таямніцаў. Рэгулярныя зьнікненьні дзяцей, якія тлумачацца чалавечымі ахвярапрынашэньнямі, — далёка не адзіны прыклад.

Аркгэм у творчасьці Лаўкрафта

Аркгэм і зьвязаныя зь ім паняцьці ўвесь час зьяўляюцца ў творчасьці Лаўкрафта. Вось некаторыя са згадак:

• «Карцінка ў старой кнізе» (1920 г.) — першая згадка Аркгэма й Міскатоніка.
• «Ґэрбэрт Ўэст — рэаніматар» (1921—1922 гг.) — першая згадка Міскатанісцкага ўнівэрсытэту
• Фільм «Неназыванае» (1923 г.)
• «Колер зь іншых сьветаў» (1927 г.)
• «Жах Данвіча» (1928 г.)
• «На гарах Вар’яцтва» (1931 г.) — адзін з караблёў экспэдыцыі носіць назву «Аркгэм», іншы — «Міскатонік», ды й сам галоўны герой родам з гэтага таямнічага места
• «Сьцень над Інсмутам» (1931 г.) — першая згадка Аркгэмскага гістарычнага таварыства.
• «Мроі ў вядзьмарскім доме» (1932 г.)
• «Брама срэбнага ключа» (1932—1933 гг.)
• «Пачвара на парозе» (1933 г.) — першая згадка Аргэмскага вар’яцкага дома.
• «Цень зь ліхалецьця» (1934—1935 гг.) — галоўны герой родам з Аркгэму, сярэдні ягоны сын — прафэсар Міскатанійскага ўнівэрсытэту.