Андрэй Бухарын
Андрэй Валер’евіч Бухарын (нар. 18 верасьня 1966, Масква, СССР) — расейскі музычны крытык, радыёвядоўца. Разам з Арцеміем Троіцкім(ru) зьяўляецца адным з найбольш вядучых спэцыялістаў у галіне сучаснай музыкі ў Расеі.
Андрэй Бухарын | |
| Дата нараджэньня | 18 верасьня 1966 (58 гадоў) |
|---|---|
| Месца нараджэньня | |
| Месца вучобы | |
| Занятак | музычны крытык |
Біяграфія
рэдагавацьСкончыў гістарычны факультэт Расейскага дзяржаўнага гуманітарнага ўнівэрсытэту. Захапленьне музыкаю «пачалося ў 12 гадоў з гурта „Rolling Stones“». У 1995—2004 гадох быў адной з ключавых фігураў (музычным рэдактарам, намесьнікам галоўнага рэдактара, галоўным рэдактарам) часопісу «ОМ(ru)», які ў 1990-я гады лічылі самым уплывовым выданьнем у расейскім шоў-бізнэсе. Прымаў непасрэдны ўдзел у адкрыцьці «Мумій Троля(ru)», Зэмфіры Рамазанавай і шэрагу іншых артыстаў. З 2004 году — вядучы аглядальнік часопісу «Rolling Stone Russia(ru)».
Са студзеня 2008 па ліпень 2010 году вёў штотыднёвую перадачу «па-расейску: Уроки русского» («Урокі расейскай») на Радыё Maximum(en)[1]. З ліпеня 2010 па 27 кастрычніка 2013 году праграма выходзіла на «Нашым радыё(cs)» пад назваю «па-расейску: Родная речь» («Родная мова»). Пад эгідаю абедзьвюх радыёперадачаў праводзіліся аднайменныя рок-фэсты й выпускалася сэрыя кампакт-дыскаў. Аўтар кнігі «Танцы з зоркамі» (Амфара, 2008), у якой надрукаваны дзясяткі інтэрвію з расейскімі й зарубежнымі зоркамі й матэрыялы мэмуарнага характару.[2]
З лютага 2014 году выкладае на факультэце журналістыкі МДУ(ru) (спэцыялізацыя «Музычная журналістыка»).
Крыніцы
рэдагаваць- ^ Программы .::. MAXIMUM Праверана 2009-11-12 г. Архіўная копія ад 2010-01-05 г.
- ^ НАШЕ.ру | Все о НАШЕЙ рок-музыке: новости, интервью рок-музыкантов, видеоклипы | Новости музыки на НАШЕ.ру — самые интересные музыкальные новости | Новости радио Праверана 2013-11-12 г. Архіўная копія ад 2013-11-12 г.