Альфрэд Эдўард Гудзі
Альфрэд Эдўард Гудзі (1878—1945) — брытанскі калекцыянэр карцінаў, адбіткаў і фатаздымкаў, па большай частцы зьвязаных зь мідлэндскім месцам Дэрбі.
Альфрэд Эдўард Гудзі | |
| Alfred Edward Goodey | |
 Альфрэд Гудзі | |
| Род дзейнасьці | філянтроп, калекцыянэр |
|---|---|
| Дата нараджэньня | 1878 |
| Месца нараджэньня | Дэрбі |
| Дата сьмерці | 1945 |
| Месца сьмерці | Дэрбі |
| Месца вучобы | |
| Занятак | філянтроп, маляр |
| Бацька | Ўільям Генры |
| Маці | Рода |
Жыцьцяпіс
рэдагавацьАльфрэд Гудзі нарадзіўся ў 1878 року ў сям’і Ўільяма Генры і Роды Гудзі[1]. Атрымаў пачатковую хатнюю адукацыю, пасьля навучаўся ў школе Ўітўарта і Мастацкай школе Дэрбі[2].
Пачаў зьбіраць сваю калекцыю ў 1886, шукаючы нават у Амэрыцы рэчы, якія мелі дачыненьне да Дэрбі. Ён нават замаўляў мастакам выявы тагачаснага Дэрбі, стараючыся такім чынам захаваць усё, што магло быць зруйнавана або перабудавана[2][3].
Гудзі сабраў выбітную калекцыю таго Дэрбі, які існаваў у XIX — пачатку XX стагодзьдзяў, і перадаў 500 карцінаў зь яе ў 1936 у музэй і мастацкую галерэю Дэрбі[4]. Ён таксама завяшчаў месту астатнія мастацкія творы і £13 000 на пашырэньне музэю[2].
Памёр у Дэрбі ў 1945 року.
Крыніцы і заўвагі
рэдагаваць- ^ Alfred Goodey, Goodey family tree, GRO Birth index, accessed April 2011
- ^ а б в Sarah Allard, Nicola Rippon Goodey’s Derby. — Breedon Books, 2003. — С. 1. — ISBN 1 85983 379 9
- ^ Goodey’s Derby, Amazon product description, accessed April 2011
- ^ Derbyshire Artists, Derbyshire UK, Guide to Derbyshire, accessed April 2011
Вонкавыя спасылкі
рэдагаваць- Мастакі Дэрбішыру (анг.)