Агонія

Агонія (па-старажытнагрэцку: Ἀγωνία — барацьба) — апошні этап паміраньня, які зьвязаны з актывізацыяй кампэнсаторных мэханізмаў, накіраваных на барацьбу са згасаньнем жыцьцёвых сілаў арганізму.

Клініка агоніі характарызуецца сымптомамі прыгнёту жыцьцёва важных функцыяў арганізму, абумоўленых выражанай гіпаксіяй. Зьнікае балявая адчувальнасьць, назіраецца страта прытомнасьці, пашырэньне зрэнкаў, згасаньня рэакцыі зрэнкаў на сьвятло, зьнікаюць рагавічны, сухажыльныя і скурныя рэфлексы.