Інцыдэнт у Ябланкаве
Інцыдэнт у Ябланкаве — падзеі, якія адбыліся ў ночы з 25 на 26 жніўня 1939 году на славацка-польскай мяжы ля гораду Ябланкаў.
Паводле першага пляну фюрэра Адольфа Гітлера, нямецкая атака на Польшчу была заплянаваная на 26 жніўня 1939 году. У шматлікіх месцах нямецка-польскай, чэска-польскай і славацка-польскай мяжы павінны былі выступіць мясцовыя дывэрсанты. Адна з такіх дывэрсанцкіх групаў пад кіраўніцтвам паручніка Ганса Гэрцнэра была прызначана да захопу чыгуначнай станцыі Масты ля Яблонкава і чыгуначнага тунэлю пад Яблонкаўскім перавалам.
Калі 25 жніўня Гітлер прызначыў новы тэрмін атакі на 1 верасьня, ня ўсе адзінкі дывэрсантаў атрымалі зьвесткі пра гэта. Група Гэрцнэра заняла толькі станцыю чыгункі і хаця не змагла заняць тунэль (яе ўжо пільнавалі польскія жаўнеры, якім паведаміла пра захоп тэлефаністка з станцыі), чакала там сёмую дывізію. Калі дывэрсанты ранкам атрымалі інфармацыю, што вайна яшчэ не пачалася і што дапамогі яны не атрымаюць, адыйшлі ў горы.
Не ўдалося заняць тунэль немцам таксама і падчас вайны; 1 верасьня яго ўзарвалі польскія вайскоўцы.
Літаратура
рэдагаваць- Franz Kurowski, The Brandenburger commandos: Germany’s elite warrior spies in World War II, Stackpole Books, 2005, pp. 41-44 (анг.)
- Tomasz Chinciński, Piąta kolumna, Polityka (пол.)
- Andrzej Szefer, Prywatna wojna leutnanta Alberta Herznera, wyd. Śląski Instytut Naukowy, Katowice 1987 (пол.)
- Julius Mader: Hitlers Spionagegenerale sagen aus: ein Dokumentarbericht über Aufbau, Struktur und Operationen des OKW-Geheimdienstamtes Ausland/Abwehr mit einer Chronologie seiner Einsätze von 1933 bis 1944, Berlin 1971 (ням.)