Інулін

Інулін — арганічнае рэчыва з групы поліцукрыдаў, палімэр D-фруктозы.

Уласьцівасьці

Інулін — поліфруктазан, які можа быць атрыманы ў выглядзе аморфнага парашка і ў выглядзе крышталяў, лёгка рашчыняльны ў гарачай вадзе і цяжка ў халоднай. Малекулярная маса 5000-6000. Мае салодкі смак. Пры гідролізе пад дзеяньнем кісьляў і фэрмэнта інулазы ўтварае D-фруктозу і невялікую колькасьць глюкозы. Інулін, як і прамежкавыя прадукты яго фэрмэнтатыўнага расшчапленьня — інуліды, не валодае аднаўляльнымі ўласьцівасьцямі. Малекула інуліну — ланцужок з 30-35 рэшткаў фруктозы ў фуранознай форме.