Ізмайлаўскі лейб-гвардыі полк
Ізмайлаўскі лейб-гвардыі полк (па-расейску: Измайловский лейб-гвардии полк) — гвардзейскі полк Расейскай імпэрыі ў складзе 1-й гвардзейскай пяхотнай дывізіі Гвардзейскага корпуса (Санкт-Пецярбурская вайсковая акруга).
| Ізмайлаўскі лейб-гвардыі полк | |
| Измайловский лейб-гвардии полк | |
 Палкавы нагрудны знак | |
| Гады існаваньня | 22 верасьня 1730 — 1917 |
|---|---|
| Краіна |
 Расейская імпэрыя |
| Уваходзіць у | 1-я гвардзейская пяхотная дывізія (Гвардзейскі корпус, Пецярбурская вайсковая акруга) |
| Тып | Полк |
| Дысьлякацыя | Санкт-Пецярбург |
Сфармаваны ў Маскве 22 верасьня 1730 году. Палкоўнікам і шэфам новага гвардзейскага палка быў прызначаны генэрал-ад’ютант, обэр-шталмэйсьцер граф Карл Левенвольдэ; яму даручана было набраць афіцэраў зь ліфляндцаў і курляндцаў і іншых іншаземных нацыяў, а таксама з расейцаў.
17 сакавіка 1800 г. полк названы лейб-гвардыі Яго Імпэратарскай Высокасьці Канстанціна Паўлавіча, а 28 траўня таго ж году — лейб-гвардыі Яго Імпэратарскай Высокасьці Мікалая Паўлавіча палком. У 1801 г. яму вернута назва лейб-гвардыі Ізмайлаўскі. Знакі адрозьненьня:
- Палкавы сьцяг — георгіеўскае, з надпісам: «За адрозьненьне пры паразе і выгнаньні непрыяцеля зь межаў Расеі 1812 г.», з андрэеўскай юбілейнай стужкай.
- Дзьве георгіеўскія трубы, з надпісам: «За адрозьненьне ў бітве пры Кульме, 17 жніўня 1813 г.»
- Дзьве срэбныя трубы, падараваныя имп. Аннай Іаанаўнай за ўзяцьце Ачакава, 1737 г.
- Знакі на шапкі з надпісам: «За Горны Дубняк, 12 кастрычніка 1877 г.»
Расфармаваны ў 1918 годзе.
Вонкавыя спасылкі
рэдагаваць
Ізмайлаўскі лейб-гвардыі полк — сховішча мультымэдыйных матэрыялаў