MAŤO

MAŤO
	MAŤO
Тып	8-бітны пэрсанальны кампутар, сумяшчальны з PMD 85
Распрацоўнік	Strojsmalt Pohorelá; Іван Урда; Штэфан Шэўчык;
Вытворца	Дзяржаўнае прадпрыемства Завадка над Гронам, ЧССР
Дата выхаду	1989
Сканчэньне падтрымкі	1992
Прададзена	к. 5500
Апэрацыйная сыстэма	дэбагер машыннага коду; BASIC-G;
Цэнтральны працэсар	MHB8080A @ 2048 МГц
Аб’ём памяці	48 КБ DRAM; 16 КБ ROM;
Зьменны носьбіт	аўдыёкасэта
Дысплэй	вонкавы тэлевізар
Графіка	48×32 сымбаляў; 288×256 піксэляў;
Гук	1-бітавы канал, убудаваны дынамік
Спосаб уводу	убудаваная 55-клявішная клявіятура
Лучнасьць	TV-выхад; уваход/выхад на магнітафон; сыстэмная шына;
Памеры	300×192×67 мм
Маса	1,6 кг

MAŤO (па-беларуску: МА́ЦЁ — Мацьвей) — 8-бітны чэхаславацкі пэрсанальны кампутар, які выпускаўся з 1989 року ў Завадцы над Гронам.

Асновай для вырабу MAŤO стаў кампутар PMD 85 вытворчасьці браціслаўскага заводу Тэслы, але трэба было стварыць як найтаньнейшы кампутар з айчынных складнікаў для навучаньня дзяцей у пачатковай школе. Дзеля яшчэ меншай цаны прадаваўся ў выглядзе канструктара для самастойнай зборкі частак клявіятуры.

Зьмяншэньня цаны дабіваліся абмежаваньнем сумяшчальнасьці з арыгінальным PMD 85. Цалкам падтрымліваліся толькі сыстэмныя выклікі АС «Monitor» і праграмы на BASIC. Для запуску арыгінальных праграмаў PMD 85 стварылі канвэртар, які счытваў праграму і запісваў яе на магнітафонную стужку ўжо ва ўласным фармаце. Дзякуючы даданьню новай клявішы CNT здолелі зьменшыць колькасьць клявішаў да 55-ці.

Пазьней у MAŤO ўбудавалі пастаянную памяць, якая замест BASIC захоўвала некалькі мадыфікаваных простых гульняў з PMD 85. Акрамя таго, да вытворчасьці рыхтавалася і кампутарная сетка з 15+1 кампутараў MAŤO пад кіраваньнем канцэнтратара на базе 8748(d), якая злучалася магнітафонным інтэрфэйсам на хуткасьці 150 кб/с з рэзыдэнтнай сеткавай апэрацыйнай сыстэмай у неўжываным разьдзеле сыстэмнай пастаяннай памяць.

Тым ня менш, адсутнасьць поўнай сумяшчальнасьці з PMD 85 выракла мадэль на камэрцыйны правал. Выраблена каля 5500 штук. Вытворчасьць скончаная ў 1992 року.

Характарыстыкі

Працэсар MHB8080A 2048 МГц
RAM: 48 КБ
ROM: 16 КБ
апэрацыйная сыстэма і ўбудаваны BASIC-G(d) альбо простыя гульні з PMD 85
запіс праграмаў на стандарты касэтны магнітафон
манахромны вывад на тэлевізар
разьдзяленьня дысплэю 288×256 піксэляў
убудаваны блёк сілкаваньня
выведзеная сыстэмная плата, да якой можна было падключаць арыгінальную інтэрфэйсную плату альбо модуль ROM ад PMD 85

Вонкавыя спасылкі

Інфармацыя на бачыне пра кампутары PMD 85 (славацк.)
Схема кампутара (чэс.)
Кампутар Maťo — клон PMD (славацк.)