Fiat Stilo

Fiat Stilo (па-беларуску: Фія́т Сты́лё) — маласямейны аўтамабіль, даступны як 3-х і 5-дзьверны хэтчбэк, так і ўнівэрсал (Fiat Stilo MultiWagon). Вытворца — італійская аўтамабільная кампанія Fiat Automobiles. 3-х і 5-дзьверныя мадыфікацыі былі запушчаныя ў 2001 наўзамен Fiat Bravo/Brava, пасьля іх у 2002 выйшаў Stilo MultiWagon. З 2007 року на большасьці рынкаў на замену Stilo прыйшоў абноўлены Fiat Bravo, тым ня меней, 5-дзьверны Stilo працягваў зьбірацца ў Бразыліі да канца 2010, пасьля чаго таксама быў заменены новым Bravo.

Fiat Stilo
Агульныя зьвесткі
Вытворца	Fiat
Гады вытворчасьці	2001—2010
Месца вытворчасьці	Касіна, Фразінонэ Бэтым, Мінас Жэрайс
Зьнешні выгляд
Кляса	Малы сямейны аўтамабіль
Кузаў	3-дзьверны хэтчбэк 5-дзьверны хэтчбэк 5-дзьверны ўнівэрсал
Кампанаваньне	пярэднерухавы, пярэднепрывадны
Плятформа	Fiat C-platform
Колькасьць дзьвярэй
Сілавы блёк
Рухавік	1.2 L I4 бэнзінавы 1.4 L I4 бэнзінавы 1.6 L I4 бэнзінавы 1.8 L I4 бэнзінавы 2.4 L I5 бэнзінавы 1.9 L I4 дызэльны
Трансьмісія	5-ступеневая ручная 6-ступеневая ручная 5-ступеневая паўаўтаматычная
Прывад
Габарыты
Колавая база	2600 мм
Даўжыня	4182 мм (3-дзьверны) 4253 мм (5-дзьверны) 4516 мм (унівэрсал)
Шырыня	1784 мм (3-дзьверны) 1756 мм (5-дзьверны) 1756 мм (унівэрсал)
Вышыня	1475 мм (3-дзьверны) 1525 мм (5-дзьверны) 1570 мм (унівэрсал)
Маса	1090—1320 кг
Максымальная хуткасьць
Гісторыя
Папярэднік	Fiat Bravo/Brava
Наступнік	Fiat Bravo
Падобныя	Fiat Bravo Lancia Delta (2008)
Fiat Stilo у Вікісховішчы

Fiat Stilo MultiWagon

Апісаньне

Пачаткова вар’яваліся з наступнымі бэнзінавымі рухавікамі:

• аб’ём 1242 см³ і 16 кляпанаў, як і ў Punto і Lancia Ypsilon, магутнасьцю 79 к. с. з 6-ступеневай ручной КПП;
• 1.6 L, 103 к. с. 5-ступеневая ручная КПП;
• 1.8 L, 133 к. с., 5-ступеневая ручная КПП;
• 2.4 L, 168 к. с., 5-цыліндравы, фірмовая паўаўтаматычная каробка перадачаў Selespeed, як у Alfa Romeo 147.

Варыяцыі з дызэльнымі рухавікамі:

• 1.9 JTD, 8-кляпанны. Магутнасьці 79, 99, 114 і 118 к. с.;
• 1.9 JTD, 16-кляпанны. Магутнасьці 138 і 148 к. с..

Зьнешні выгляд Stilo атрымаў неадназначныя ацэнкі, шмат хто называў яго малазаўважным ды занадта «нямецкападобным» (што цікава, папярэднікі — Bravo і Brava — крытыкаваліся за празьмерную «італьянскасьць»). Таксама крытыкам не спадабалася надзвычайная вага і паўнезалежная задняя тарсыйная бэлькавая падвеска(en) (як у Volkswagen Golf папярэдняга пакаленьня), што выглядала як крок назад пасьля ўведзенай у Bravo/Brava поўнай незалежнай задняй падвескі. Дыяпазон рухавікоў, асабліва 1,2-літровы, таксама крытыкавалі за недастатковую магутнасьць. Ды й выдатак паліва таксама выглядаў завялікім для аўтамабіляў гэтае клясы з-за вялікае вагі і трансьмісіі, якая мела вельмі высокія перадаткавыя суадносіны. Паўаўтаматычная каробка Selespeed спрацоўвала вельмі марудна.

Ухвалу займелі высокі ўзровень счапленьня з дарогай (дзякуючы выкарыстаньню шырокіх шынаў) ды гальмы. Stilo стаў першым аўтамабілем у сьвеце, у якім была выкарыстаная тэхналёгія электрычнай дапамогі кручэньня стырна фірмы TRW. У 2003 падобная стала выкарыстоўвацца ў Nissan Micra і Renault Megane.

У 2004 року замест 1,2 л пачалі ўсталёўваць 1,4-літровы рухавік Fiat Punto, што павялічыла магутнасьць да 95 к. с. Быў таксама абноўлены выгляд задніх фараў.

У 2006 року зьнешні выгляд Stilo быў зьменены: замененыя пярэдняя радыятарная крата, матэрыял сядзеньняў, разьмяшчэньне кнопак электрычнага кіраваньня люстэркамі.

Продажы Fiat Stilo у рэшце рэшт апынуліся нізкімі, нягледзячы на разгорнутую рэклямную кампанію з удзелам зорак Формулы 1 Міхаэля Шумахера ды Рубэнса Барыкелы.

Бразыльская вэрсія

У 2003 року зборка 5-дзьверных хэтчбэкаў была адкрытая ў Бразыліі. Мадэльны шэраг рухавікоў:

• 1.8 L, 8-кляпанны, 103 к. с.;
• 1.8 L, 16-кляпанны, 122 к. с.;
• 2.4 L, 20-кляпанны, 170 к. с.;

На экспартныя мадэлі для Аргентыны, Уругваю і Чылі ставілі бэнзінавы 1.8 L 16v 133-моцны і дызэльны 1.9 L 115-моцны.

У 2004—2006 выпускалася абмежаваная Шумахер-вэрсія Stilo; таксама 5-дзьверная, у адрозьненьне ад эўрапейскага варыянту, і з 16-кляпанным рухавіком аб’ёмам 1,8 L і магутнасьцю 122 к. с. З 2006 наўзамен бэнзінаваму рухавіку прыйшоў камбінаваны бэнзінава-этанольны вытворцы General Motors аб’ёмам 1,8 L, які разьвіваў магутнасьць 110 к. с. на бэнзіне і 114 к. с. на этанолі.

У студзені 2008 Fiat Automóveis прадставіла абноўленую вэрсію аўтамабіля, на якім была ўсталяваная мэханічна-рабатызаваная каробка перадачаў Dualogic. Зьнешні выгляд таксама займеў некаторыя касмэтычныя зьмены, датычныя радыятарнай краты, капоту, бакавых бампэраў і задніх агнёў.

Бясьпека

Fiat Stilo прайшоў тэсты бясьпекі Euro NCAP.

Вонкавыя спасылкі

Fiat Stilo — сховішча мультымэдыйных матэрыялаў