Divokej Bill

Divokej Bill (па-беларуску: Дзікі Біл) — чэскі рок-гурт, заснаваны ў 1997—1998 гадах у горадзе Ўвалы, што на ўскраіне Прагі. Граюць музыкі кельцкі рок.

Творчасьць рэдагаваць

Склад гурта фармаваўся на працягу прыблізна двух гадоў, пасьля чаго музыкі пачалі сваю канцэртную дзейнасьць. Першапачаткова граючы ў невядомых клюбах, гурт усё больш і больш набіраў папулярнасьць і ўжо вельмі хутка ўзяў удзел у тады яшчэ толькі заснаваным фэстывалі «Rock for People», дзякуючы якому распачаў сваю першую супрацу з Ameba Production.

Першы дыск гурта быў выдадзены ў 2000 годзе й меў назву Propustka do pekel (па-беларуску: Пропуск у пекла). Найбольшым гітом зь яго стаў твор «Plakala». На сёньняшні дзень, гурт Divokej Bill выдаў ужо 6 альбомаў. У 2006 годзе музыкі зладзілі найвялікшы тур у сваёй гісторыі, сыграўшы агулам больш чым 40 канцэртаў. У 2007 годзе гуртом быў выдадзены ужо другі CD/DVD з запісам жывога выступу каманды на фэстывалі «Rock for People». На сёньняшні дзень у склад гурта Divokej Bill уваходзіць 8 музыкаў.

Цяпер гурт зьяўляецца адным з самых вядомых чэскіх рок-калектываў. Паводле зьвестак на 2006 год, продажы дыскаў «Дзікага Біла» дасягнулі лічбы больш чым 100 000, а сам гурт на кожны з шматлікіх канцэртаў, што рэгулярна адбываюцца па ўсёй тэрыторыі Чэскай рэспубліцы, зьбірае велізарную колькасьць сваіх прыхільнікаў.

Склад рэдагаваць

Вацлаў Блага (Václav «Venca» Bláha) — сьпеў, гітара
Мілаш Юрач (Miloš «Jurda» Jurač) — сьпеў, бас-гітара
Штэпан Карбулка (Štěpán Karbulka) — cьпеў, танец
Адам Карлік (Adam Karlík) — скрыпка
Раман Прохазка (Roman «Prochajda» Procházka) — акустычная гітара, сьпеў
Гонза Бартл (Honza «Jack» Bártl) — банджа
Мартын Пэцка (Martin «Pecan» Pecka) — акардэон
Марэк Жэжулка (Marek «Mára» Žežulka) — бубны

Дыскаграфія рэдагаваць

Вонкавыя спасылкі рэдагаваць

Divokej Bill — сховішча мультымэдыйных матэрыялаў