Яўген Шмыгалёў

Яўген Шмыгалёў (1927 або 1928 — 1 верасьня 2000) — інжынэр, адзін з аўтараў артыкула «Курапаты — дарога сьмерці».

Біяграфія

Навучаўся ў вайсковай вучэльні, пасьля сканчэньня Беларускага палітэхнічнага інстытуту працаваў на менскім прыборабудаўнічым заводзе імя Леніна (цяпер «Белвар»). Цікавіўся гісторыяй Беларусі.

Вядомы ў першую чаргу як суаўтар зь Зянонам Пазьняком артыкула «Курапаты — дарога сьмерці». Артыкул быў надрукаваны ў газэце «Літаратура і Мастацтва» 3 чэрвеня 1988 году і стаў інфармацыйным выбухам у гісторыі Беларусі: гісторыя Курапатаў стала вядомая грамадзтву, артыкул у перакладзе на расейскую мову перадрукавалі некалькі расейскіх выданьняў.

Вонкавыя спасылкі

• Артыкул Зянона Пазьняка і Яўгена Шмыгалёва Курапаты — дарога сьмерці
• Я. Шмыгалёў: адзін з тых, хто расказаў пра Курапаты // Радыё Свабода, 30 кастрычніка 2008 г.
• Памёр Яўген Шмыгалёў // Наша Ніва, №36 (192), 4—11 верасьня 2000 г.