Эўрапейскі цэнтральны банк
Эўрапейскі цэнтральны банк (ЭЦБ) — агульная валютная ўстанова краінаў-удзельніц Эўрапейскага валютнага зьвязу, якая ўтварае разам з нацыянальнымі цэнтральнымі банкамі дзяржаваў Эўрапейскага Зьвязу Эўрапейскую сыстэму цэнтральных банкаў (ЭСЦБ). ЭЦБ зьяўляецца наднацыянальнай установай, якая была заснаваная ў 1998 у рамках Эўрапейскага эканамічнага і валютнага зьвязу. Банк месьціцца ў Эўратаўэры (Eurotower) у Франкфурце-на-Майне. Дзейнасьць ЭЦБ рэгулюецца Маастрыхцкай дамовай, а таксама адмысловымі пратаколамі.
![](http://upload.wikimedia.org/wikipedia/commons/thumb/7/75/Europ%C3%A4ische_Zentralbank_Frankfurt.jpg/220px-Europ%C3%A4ische_Zentralbank_Frankfurt.jpg)
Галоўныя задачы ЭЦБ:
- вызначэньне і правядзеньне грашовае палітыкі,
- правядзеньне валютных апэрацыяў,
- кіраваньне агульнымі валютнымі рэзэрвамі,
- забесьпячэньне эканомікі грошамі, і бесьперашкоднасьць плацяжоў.
Прэзыдэнтам ЭЦБ зьяўляецца з 2011 году Марыё Драгі.