Сяргей Скрыпнічэнка

Сяргей «Скрыпа» Скрыпнічэнка (нарадзіўся 27 траўня 1971) — лідэр гурта žygimont VAZA.

Біяграфія

Нарадзіўся ў сям'і знакамітага мастака Георгія Скрыпнічэнкі (1940-2015) і рэжысэра і выкладчыцы сцэнічнае мовы БДУК Натальлі Скрыпнічэнкі (1949-1994). Вучыўся у менскай музычнай школе №8 (кляса фартэпіяна). Вучыўся ў Мірскім мастцка-рэстаўрацыйным вучылішчы, Беларускай Акадэміі мастацтваў, Віленскім Пэдагагічным Унівэрсытэце. Жыве ў Менску. Ад 1998 году жанаты з вядомай мастачкай Юліяй Галавіной (у грамадзянскім шлюбе - ад 1992 году). У траўні 2008 году ў іх нарадзіўся сын Дамінік Скрыпнічэнка.

Музычная творчасьць

Заснавальнік, гітарыст і вакаліст гурта žygimont VAZA. Піша музыку і тэксты. Стварыў некалькі альбомаў пад тытулам «Skrypa MX». Ад 2009 году цалкам завяршыў разьвіцьцё дзейнасьці žygimont VAZA і распачаў новы праект The Blue Devils.

Дызайнэрская справа

Праз шмат год працаваў і працягвае супрацу з шэрагам міжнародных рэклямных агенцтваў на пасадах дызайнэру і арт-дырэктару. Разам з жонкай заснаваў дызайнэрскі лэйбл «Tank Press». Мае шматлікія дызайнэрскія ўзнагародны. Прымаў удзел у афармленьні альбомаў беларускіх музычных гуртоў (Тарпач, IQ48 ды іншых).