Сямёнаўскі лейб-гвардыі полк

Сямёнаўскі лейб-гвардыі полк (па-расейску: Семёновский лейб-гвардии полк) — вайсковае фармаваньне Маскоўскай дзяржавы і Расейскай імпэрыі. Сфармаваны ў 1683 годзе ў падмаскоўным сяле Сямёнаўскім, пад назовам пацешных Сямёнаўцаў; з 1687 году яны пачалі менавацца Сямёнаўскім палком, а з 1700 году — лейб-гвардыі Сямёнаўскім.

Сямёнаўскі лейб-гвардыі полк
Семёновский лейб-гвардии полк
Палкавы нагрудны знак
Гады існаваньня	1687 — 1918
Краіна	Расейская імпэрыя
Уваходзіць у	1-я Гвард. пях. дыв-я (ГвК, СПб ВА)
Тып	Полк
Дысьлякацыя	Санкт-Пецярбург, Пецярбурская ваенная акруга

У 1800 годзе імпэратар Павел I назваў яго лейб-гвардыі Яго Імпэратарскай Высокасьці Аляксандра Паўлавіча палком, але ўжо ў наступным годзе імпэратар Аляксандар I вярнуў палку ранейшае найменьне. Баявыя адрозьненьні:

• Георгіеўскі палкавы сьцяг за бітву пры Кульме ў 1813 г.
• Нагрудныя знакі ў обэр-афіцэраў за бітву пад Нарвай у 1700 г.
• Знакі на шапках з надпісам: «За Правец 10 і 11 лістапада 1877 г.»