Сьцяг Віетнаму

Сьцяг Віетнаму ўведзены 30 лістапада 1955 году як сьцяг Дэмакратычнай Рэспублікі Віетнам, што займала тады паўночную частку краіны (Паўночны Віетнам). На ім намаляваная жоўтая пяціканцовая зорка на чырвоным фоне. Суадносіны бакоў сьцягу складаюць 2:3. У 1945—1955 абрысы зоркі на сьцягу былі крыху іншымі.

Сцяг Віетнаму

Зорка ўвасабляе лідэрства камуністычнай партыі Віетнаму, чырвоны колер азначае посьпех рэвалюцыі, а пяць прамянёў зоркі часам выкладаюцца як рабочыя, сяляне, салдаты, інтэлігенцыя і моладзь.

З 1976 году, калі Паўднёвы Віетнам афіцыйна аб’яднаўся з Паўночным — сьцяг Сацыялістычнай Рэспублікі Віетнам.