Сымбіёз

Сымбіёз — шчыльнае суіснаваньне біялягічных відаў. Удзельнікі такога суіснаваньня называюцца сымбіёнтамі.

Тыпы сымбіёзу

У залежнасьці ад характара дачыненьняў адрозьніваюць наступныя віды сымбіёзу:

• мутуалізм — калі выгаду атрымліваюць абодва партнэры;
• камэнсалізм — калі адзін атрымлівае выгаду, а другому такое суіснаваньне ня шкодзіць.

Аднак некаторыя аўтары называюць сымбіёзам увогуле які заўгодна від суіснаваньня, уключна з паразытызмам. З гледзішча індывідуальнага арганізма сымбіёз можа быць:

• факультатыўным — калі адзін арганізм можа ўступаць у сымбіёз зь іншым, але гэта не зьяўляецца неабходным для выжываньня;
• аблігатным — калі арганізм ня можа выжыць без сымбіёза.

Напрыклад, рыба-клоўн і марская актынія ствараюць мутуалістычны сыбміёз, абараняючы адна адну ад драпежнікаў. Для рыбы-клоўна такі сымбіёз зьяўляецца аблігатным, бо яна ня можа выжыць без абароны, якую забясьпечвае актынія. Але для катыніі сымбіёз ёсьць толькі факультатыўным, яна можа выжыць самастойна. Асаблівым відам сымбіёзу зьяўляецца эндасымбіёз — калі адзін сымбіёнт жыве ўнутры другога.

Вонкавыя спасылкі

Сымбіёз — сховішча мультымэдыйных матэрыялаў