Літаратурная македонская мова пачала фармавацца ў час нацыянальнага адраджэньня ў канцы [[19 стагодзьдзе|19XIX стагодзьдзя]]. Вялікае значэньне для гэтага працэсу мела дзейнасьць [[браты Міладзінавы|братоў Міладзінавых]] і, перш за ўсё, [[Крстэ Пэткаў Місіркаў|Крстэ Пэткава Місіркава]], які ў [[1903]] годзе ў кнізе «[[Аб македонскім пытаньні]]» зрабіў першую спробу кадыфікацыі македонскай мовы. Афіцыйна македонская мова была кадыфікавана ў [[1945]] годзе і асновай для яе сталіся ўсходні і цэнтральны македонскія [[дыялект]]ы. Некаторая блізкасьць да геаграфічна суседняй [[баўгарская мова|баўгарскай мовы]] дае падставы некаторым лінгвістам (пераважна баўгарскім) высоўваць тэзісы пра статус македонскае мовы як адных з дыялектаў баўгарскай (гл. [[палітычны статус македонскай мовы]]).
