Друць: розьніца паміж вэрсіямі

{{Рака

|назва = Друць

|выява =

|подпіс =

|левыя_прытокі =

|правыя_прытокі =

}}

'''Друць''' — рака ў [[Беларусь|Беларусі]], чацьверты велічынёй і воднасьцю прыток [[Дняпро|Дняпра]]. Цячэ ў [[Віцебская вобласьць|Віцебскай]], [[Магілёўская вобласьць|Магілёўскай]] і [[Гомельская вобласьць|Гомельскай]] абласьцях. Даўжыня 295 км. Плошча вадазбору 5020 км². [[Выдатак вады]] ў вусьці 31,6 м³/с. Агульны спад ракі 105,2 м. Сярэдні нахіл воднай паверхні 0,4 [[праміле|‰]].

 

== Асноўныя прытокі ==

* ''Правыя'': [[Бярозаўка (прыток Друці)|Бярозаўка]], [[Каменка (прыток Друці)|Каменка]], [[Асьлік]], [[Малыш]], [[Вядзерка]], [[Даўжанка (рака)|Даўжанка]], [[Белая (басэйн Дняпра)|Белая]], [[Дабрыца (прыток Друці)|Дабрыца]]

* ''Левыя'': [[Малінаўка (рака)|Малінаўка]], [[Крывая (прыток Друці)|Крывая]], [[Чыгірынка (рака)|Чыгірынка]], [[Няропля (рака)|Няропля]], [[Вабіч]], [[Арлянка (басэйн Дняпра)|Арлянка]], [[Балонаўка (рака)|Балонаўка]], [[Грэза]]

Даліна да ўтоку ракі Крывой невыразная, ніжэй трапэцападобная, шырынёй 1,5—2,5 км. Схілы парэзаныя, вышыня іх 8—30 м, да места Бялынічаў адкрытыя і пад ворывам, ніжэй па плыні пераважна пад лесам. Левы схіл больш спадзісты, правы ўмерана стромкі, нярэдка абрывісты. [[Абалона]] пераважна двухбаковая (на асобных дзялянках у нізоўі левабярэжная, у верхняй плыні часткова затопленая Цяцерынскім, у ніжняй — Чыгірынскім вадасховішчамі), адкрытая, лугавая. Паверхня абалоны ў прырэчышчавай частцы роўная, месцамі ўзгорыстая, перасечаная старыцамі, асушальнымі канавамі, лагчынамі. Рэчышча каналізаванае на 2 дзялянках у вярхоўі: ад вёскі Навасёлкаў да места Талачына (7 км) і ад пункту за 0,4 км ніжэй за мост на аўтамабільнай дарозе [[Менск]] — [[Масква]] да вёскі Друцку (8,6 км). На астатнім працягу моцназьвілістае, свабодна мэандруе, ніжэй за ўток ракі Вабіч разгалінаванае на пратокі і рукавы са шматлікімі старыцамі і затокамі. Дно роўнае, пясковае, радзей камяністае. Шырыня ракі ў межань у вярхоўі 10—20 м, ніжэй 30—50 м. Берагі пераважна стромкія, месцамі абрывістыя, вышыней 1—2,5 м (на лукавінах 3—5 м), у вусьцевай частцы спадзістыя, вышынёй да 1 м.

 

 

== Расьліннасьць ==

Больш за 30% плошчы вадазбору пакрываюць значныя памерам лясныя масівы. Лясы [[мяшаныя лясы|мяшаныя]] зь перавагай іглічных пародаў. Балоты, забалочаныя землі і забалочаны лес займаюць каля 10% плошчы.

 

 

== Літаратура ==

* Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.

* Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.

 

[[Катэгорыя:Рэкі Талачынскага раёну]]