Георгі Маргвелашвілі: розьніца паміж вэрсіямі

'''Георгі Маргвелашвілі''' ({{Мова-ka|გიორგი მარგველაშვილი}}; нарадзіўся 4 верасьня 1969 году, [[Тбілісі]], [[Грузінская ССР]]) — грузінскі палітычны дзяяч, прэзыдэнт [[Грузія|Грузіі]] (з 2013 году). Філёзаф па адукацыі, рэктар Грузінскага інстытуту грамадзкіх справаў (2000—2006, 2010—2012), міністар адукацыі і навукі Грузіі (2012—2013). Кандыдат у прэзыдэнты на [[Прэзыдэнцкія выбары ў Грузіі 2013 году|выбарах 2013]] ад партыі «[[Грузінская мара — Дэмакратычная Грузія]]», на якіх ён набраў 61,12% галасоў. 17 лістапада 2013 году ўступіў на пасаду прэзыдэнта Грузіі.

Георгі Маргвелашвілі нарадзіўся ў сям’і партыйнага работніка. У 1992 року скончыў факультэт філязофіі і псыхалёгіі Тбіліскага дзяржаўнага ўнівэрсытэту ймяімя Іванэ Джавахішвілі, у 1993—1994 вывучаў сацыялёгію ва ўнівэрсытэце Цэнтральнай Эўропы. Доктар філязофіі. З 1992 па 1995 Маргвелашвілі працаваў гідам у турыстычнай кампаніі (спэцыялізацыя — горны турызм), асыстэнтам мэнэджэра ў выдавецтве. У 1994—1995 быў начальнікам дэпартамэнту па маркетынгу кампаніі «Бізнэс дзёньнікі». У 1996—1997 роках выкладаў філязофію ў Тбіліскім незалежным унівэрсытэце. У 1995—2000 працаваў у Нацыянальным дэмакратычным інстытуце міжнародных адносін спэцыялістам (кансультантам праграмы).