З [[1915]] году быў удзельнікам [[Першая сусьветная вайна|Першай сусьветнай вайны]], скончыў 2-ю [[Кіеў]]скую ваенную школу прапаршчыкаў. З [[1918]] году ваяваў у шэрагах [[Чырвоная армія|Чырвонай арміі]]. Браў удзел у паседжаньнях Усебеларускага зьезду Саветаў у [[Смаленск]]у, дзе была абвешчаная [[БССР]].
З [[1921]] угоду ў [[Менск]]у, сябар Навукова-тэрміналягічнай камісіі пры Наркамасьвеце БССР. Вучыўся ў [[БДУ]] (скончыў у [[1926]]), у [[1922]]—[[1927]] выкладаў [[беларуская мова|беларускую мову]] і [[прыродазнаўства]] ў школах Менску. З [[1926]] году сакратар аддзела прыроды і народнай гаспадаркі [[Інбелкульт]]у, адначасова лектар на пэдкурсах у Менску. Са студзеня [[1928]] году асьпірант [[БДУ]], у кастрычніку [[1929]] году выключаны па ідэалягічных матывах. З сакавіка [[1930]] году выкладчык Менскіх пэдкурсаў пры пэдтэхнікуме.
Арыштаваны ДПУ БССР [[28 чэрвеня]] [[1930]] году па справе «[[Саюз вызваленьня Беларусі|Саюза вызваленьня Беларусі]]»; паводле пастановы Калегіі [[АДПУ]] [[СССР]] ад [[10 сакавіка]] [[1931]] высланы ў [[Налінск]] [[Вяцкая вобласьць|Вяцкай вобласьці]] на 5 гадоў. Паўторна арыштаваны ў [[Арол (горад)|Арле]] ў сьнежні [[1935]]; асуджаны на 5 гадоў лягераў. Вызвалены ў сьнежні [[1940]]году. Пасьля вызваленьня настаўнічаў у [[Саратаў|Саратаве]].
Напачатку [[1942]] году мабілізаваны ў Чырвоную Армію. З чэрвеня [[1942]] угоду ў Менску. Працаваў у Інспэкцыі беларускіх школ над падрыхтоўкай школьных падручнікаў і праграмаў ды старшынстваваў, быў у [[Беларуская народная самапомач|Беларускай народнай самапомачы]] (нацыянальная арганізацыя, якая дзейнічала ва ўмовах нацысцкай акупацыі). Рэдагаваў газэту «[[Голас вёскі]]». З [[1944]] быў кіраўніком навуковага аддзелу [[БЦР|Беларускай Цэнтральнай Рады]], старшыня [[ІІ Усебеларускі Кангрэс|II Усебеларускага Кангрэсу]]. У 1944 годзе сям’я Кіпеляў выехала на Захад. Зь сярэдзіны [[1944]] угоду ў [[Нямеччына|Нямеччыне]]. Падрыхтаваў да друку кнігу ўспамінаў пра савецкія лягеры «Зь іхняга раю».
З [[1950]] угоду ў [[ЗША]], з [[1951]] уваходзіўгоду ўваходзіў у [[Беларускі кангрэсавы камітэт Амэрыкі]], стварыў [[Аб'яднаньне беларускіх вязьняў савецкіх канцлягераў]], быў ініцыятарам стварэньня [[Беларуская народная партыя|Беларускай народнай партыі]]. Публікаваўся ў беларускай эмігранцкай прэсе. Успаміны Яўхіма Кіпеля захоўваюцца ў архіве [[Беларускі інстытутІнстытут навукіНавукі і мастацтваМастацтва (выдавецтва)|Беларускага інстытута навукі і мастацтва]] (БІНіМ) у [[Нью-Ёрк]]у.
Пахаваны на беларускіх могілках у [[Саўт-Рывэр]]ы ([[Нью-Джэрзі]]). У [[1989]] годзе [[Вярхоўны суд]] БССР прыняў пастанову аб [[рэабілітацыя|рэабілітацыі]] «врага белорусского народа». У [[1999]] у [[Нью-Ёрк]]у выйшла кніга ўспамінаў Яўхіма Кіпеля «Эпізоды».
