Паходзіў з сьвятарскай сям’і. Пра яго бацьку вядома, што Ціхановіч Максім Данілавіч († пасьля 1883) скончыў Менскую духоўную сэмінарыю ў 1830 і пачынаў служэньне псаломшчыкам у віленскім Сьвята-Духавым манастыры. У 1832 ён быў высьвечаны на сьвятара і накіраваны служыць у Вылазскую царкву ў в. [[Вылазы]] ў Пінскім павеце.<ref>[http://scheglov.by/%D1%82%D0%B8%D1%85%D0%BE%D0%BD%D0%BE%D0%B2%D0%B8%D1%87-%D0%BC%D0%B0%D0%BA%D1%81%D0%B8%D0%BC-%D0%B4%D0%B0%D0%BD%D0%B8%D0%BB%D0%BE%D0%B2%D0%B8%D1%87.php Тихонович Максим Данилович, священник]</ref> Паводле інфармацыі А. Ільіна і А. Ігнацюк, Платон Ціхановіч нарадзіўся менавіта на Піншчыне в. Вылазы.<ref>[http://brama.brestregion.com/nomer25/artic12.shtml Очерки истории культуры Пинска начала и середины XIX века]</ref> У далёкіх ад расейскай цывілізацыі вясковых закутках на Піншчыне прайшлі дзіцячыя гады Платона Ціхановіча. У 1843 бацьку Платона Ціхановіча прызначылі сьвятаром у Глінянскую царкву, а ў 1857 — у Міхайлаўскай царкву в. [[Хатынічы]] Пінскага павету. З 1852 па 1868 гг. яго бацька зьяўляўся благачынным, быў адзначаны ордэнам Сьв. Ганны 3 ст.
