Мальтыйскі ордэн: розьніца паміж вэрсіямі

'''Мальтыйскі ордэн''', '''Гасьпітальеры''', '''Яаніты''', (поўная назва — '''Сувэрэнны ваенны Ордэн Гасьпітальераў сьвятога Яна Ерусалімскага, Родасу і Мальты''') — духоўна ваенны ордэн, створаны ў [[Ерусалім]]е ў пачатку XII ст. пасьля [[Першы крыжовы паход|Першага крыжовага паходу]]. Ордэн меў некалькі крэпасьцяў у [[Сырыя|Сырыі]] і [[Палестына|Палестыне]] і граў вялікую ролю ў абароне ад мусульманаў. Валодаў вялікімі землямі на Ўсходзе і ў Заходняй Эўропе, дзе ўсталёўваў ваенна-прыгонны рэжым мясцоваму насельніцтву. У [[1291]] годзе Ордэн быў выціснуты туркамі зь [[Ерусалім]]у, але захапіў астравы [[Кіпр]] і [[Родас]], дзе й замацаваўся. У [[1530]] годзе атрымаў у падарунак ад рымскага імпэратара востраў [[Мальта|Мальту]] (адтуль і сёньняшняя назва), яго рыцары-крыжакі абаранялі [[Міжземнае мора]] ад турак. У час [[Вялікая француская рэвалюцыя|Вялікай Францускай рэвалюцыі]] мальтыйцы страцілі [[Мальта|Мальту]]. Спачатку выспу захапіў [[Напалеон]], потым ангельцы. Гэта скарыстаў расейскі імпэратар [[Павал I]]. Ён запрасіў рыцараў у Расею і заключыў зь імі хаўрус супраць турак і французаў. На сёньняшні час ордэн месьціцца ў [[Рым]]е. Мальтыйскі Ордэн устанавіў дыпляматычныя дачыненьні з больш як 100 краінамі сьвету і мае сваіх прадстаўнікоў у Сусьветнай арганізацыі аховы здароўя і [[Рада Эўропы|Радзе Эўропы]]. З [[1994]] году мае статус сталага наглядальніка ў [[ААН|Арганізацыі Аб’яднаных Нацыяў]]. [[4 красавіка]] [[2008]] году князем і вялікім магістрам Ордэна абраны '''Мэцью Фэстынг'''.