Нарадзіўся 3 чэрвеня 1935 году ў вёсцы [[Мачулішча (Халопеніцкі сельсавет)|Мачулішча]], [[Крупскі раён]] Менскай вобласьці БССР (цяпер Беларусь)<ref>{{Спасылка|url=http://www.lit-bel.org/by/news/6023.html|загаловак=Васілю Зуёнку — 80!|выдавец=Саюз беларускіх пісьменнікаў|дата публікацыі=3 чэрвеня 2015}}</ref>. Сям’я была сялянскай. Бацька Васіль Захаравіч, мама — Куліна Канстанцінаўна. Васіль вучыўся спачатку ў Мачуліцкай пачатковай школе, потым — ва Узнацкай сямігодцы, якую скончыў 1950 годзе. Навучаньне працягнуў у Барысаўскай пэдагагічнай вучэльні. У 1954 годзе безь іспытаў паступіў на аддзяленьнеадзьдзяленьне журналістыкі філялягічнага факультэту [[Беларускі дзяржаўны ўнівэрсытэт]]. Пасьля сканчэньня ўнівэрсытэту працаваў у рэдакцыі менскай газэты «Рабочае юнацтва». Ад 1961 году да 1966 году працаваў загадчыкам аддзелуадзьдзелу літаратуры і мастацтва газэты «Піянэр Беларусі» (цяперашняя назва [[Раніца (газэта)|Раніца]]). Ад 1966 году намесьнік галоўнага рэдактара часопіса «[[Маладосць]]». У гэтым самым годзе выдадзеная першая кніга паэзіі «Крэсіва»<ref>[http://slounik.org/81026.html Зуёнак Васіль] // {{Літаратура/Беларускія пісьменьнікі (1917—1990)|к}}</ref>, пасьля чаго ўступіў у Саюз пісьменьнікаў Беларусі. У 1970 годзе скончыў завочную асьпірантуру БДУ. У 1972 годзе прызначаны галоўным рэдактарам часопіса [[Бярозка (часопіс)|Бярозка]]. У 1973 годзе на катэдры стылістыкі і літаратурнага рэдагаваньня БДУ абараніў дысэртацыю на сашукальніцтва ступені кандыдата філялягічных навук<ref>Зуенок, В. Публицистика и лирика (гражданская поэзия на страницах современной белорусской периодики) : автореф. дис.... канд. филол. наук / Белорус. гос. ун-т им. В. И. Ленина, Каф. стилистики и лит. редактирования. — Минск : [б. и.], 1973. — 27 с.</ref>. У 1978 годзе пасьля прызначэньня тагачаснага галоўнага рэдакатара часопіса «Маладосьць» [[Генадзь Бураўкін|Генадзя Бураўкіна]] старшынём Дзяржтэлерадыё БССР заняў ягоную пасаду. Працаваў галоўным рэдактарам да 1982. Ад 1982 году да 1989 году сакратар [[Саюз беларускіх пісьменьнікаў|Саюзу беларускіх пісьменьнікаў]]. у 1985 годзе прымаў удзел у паседжаньні Генэральнай асамблеі ААН<ref>{{спасылка|url=https://sites.google.com/site/vasilzueenak/|загаловак=сайт, прысвечаны творчасці Васіля Зуёнка}}</ref>. У 1989—1990 гадах — першы сакратар СП БССР, і, нарэшце, у 1990 абраны старшынём Саюзу беларускіх пісьменьнкіаў. У 2000 годзе абраны ганаровым сябрам [[Нацыянальная акадэмія навук Беларусі|Нацыянальнай акадэміі навук Беларусі]]. Сябра [[Беларускі ПЭН-цэнтар|Беларускага ПЭН-цэнтра]]. Жыве ў Менску. Сын Сяргей.
