Серкавадародная кісьля

Серкавадаро́дная кі́сьля, альбо серкавадарод (сярчысты вадарод, сульфід вадароду, дыгідрасульфід) — бескаляровы газ з салодкім смакам, які мае пах праванелых курыных яек. Бінарнае хімічнае злучэньне вадароду й серкі. Хімічная формула — H2S. Кепска рашчыняецца ў вадзе, добра — у этанолі. У дужых канцэнтрацыях ядавіты, узаемадзейнічае з разнастайнымі мэталамі, вогненебясьпечны. Канцэнтрацыйная мяжа ўзпламяненьня ў сумесі з паветрам складае 4,5—45% серкавадароду. Выкарыстоўваецца ў хімічнай прамысловасьці для сынтэзу некаторых рэчываў, атрыманьня элемэнтарнай серкі, серчынага квасу ды сульфідаў. Серкавадарод таксама выкарыстоўваюць у лекавых мэтах.