Рэліктавае выпраменьваньне

Рэліктавае выпраменьваньне (альбо касьмічнае мікрахвалёвае фонавае выпраменьваньне ад анг. Cosmic microwave background radiation) — касьмічнае электрамагнітнае выпраменьваньне з высокай ступеньню ізатропнасьці й са спэктрам, характэрным для абсалютна чорнага цела з тэмпэратурай 2,725 К.

Існаваньне рэліктавага выпраменьваньня было прадказана тэарэтычна ў рамках тэорыі Вялікага выбуху. Хоць у цяперашні час многія аспэкты першапачатковай тэорыі Вялікага выбуху былі перагледжаны, асновы, якія дазволілі прадказаць тэмпэратуру рэліктавага выпраменьваньня, засталіся нязьменнымі. Лічыцца, што рэліктавае выпраменьванне захавалася з пачатковых этапаў існаваньня Сусьвету й раўнамерна яе запаўняе. Экспэрымэнтальна ягонае існаваньне было пацьверджана ў 1965 годзе. Нараўне з касмалягічным чырвоным зрушэньнем, рэліктавае выпраменьваньне разглядаецца як адно з галоўных пацьверджаньняў тэорыі Вялікага выбуху.

Вонкавыя спасылкі

• Мікрахвалёвае фонавае выпраменьваньне
• Рэліктавае выпраменьваньне ў энцыкляпэдыі «Кругосвет»
• The Cosmic Microwave Background Radiation