Кніга Ісуса Навіна (Скарына)

Кніга Ісуса Навіна («Книги Ісуса Навина еже от евреи называются Егошуа бин нунъ») — праскае выданьне Скарыны, якое выйшла ў сьвет 20 сьнежня 1518 году.

Кніга Ісуса Навіна
Гравюра «Пераход цераз Іардан» на тытульным аркушы
Мова арыгіналу:	беларуская рэдакцыя царкоўнаславянскай мовы
Публікацыя:	20 сьнежня 1518
Колькасьць старонак:	48 аркушаў

Зьмест кнігі

Выданьне пачынаецца тытульным лістом з гравюрай і назвай кнігі («Зуполъне выложены на руский языкъ докторомъ Францискомъ Скориною изъ славнаго града Полоцька…»). На першым аркушы даецца «Предословие доктора Франъциска Скорины с Полоцька в книги Исуса сына Навина», пасьля друкуецца асноўны тэкст кнігі, а на апошнім аркушы — пасьляслоўе.

Друкарскія асаблівасьці выданьня

Застаўка «Русалкі»

Кніга выдадзена на царкоўна-славянскай мове беларускай рэдакцыі. Фармат выданьня — у чвэрць аркуша, аб’ём — 48 аркушаў, якія сабраны ў 6 сшыткаў. Набор выкананы праскім шрыфтам Скарыны — у 10 радкоў вышынёй 75 мм, на паласе — 22 радкі. Сыгнатура адсутнічае. Фаліяцыя на верхнім баку аркуша ўверсе справа. Выданьне ўпрыгожана тытульнай гравюрай «Пераход цераз Іардан», застаўкай і 27 ініцыяламі. На застаўцы выявы сырэн з рыбінымі хвастамі і гербавым шчытом «зацьменьня сонца».

Захавалася 10 асобнікаў кнігі Ісуна Навіна, зь іх толькі адзін поўны.

Літаратура

• Францыск Скарына і яго час: Энцыкл. давед. / Беларус. Сав. Энцыклапедыя; Рэдкал. І. П. Шамякін (гал. рэд.) і інш. — Мн.: БелСЭ, 1988. — 608 с. — ISBN 5-85700-003-3

Вонкавыя спасылкі

Кніга Ісуса Навіна (Скарына) — сховішча мультымэдыйных матэрыялаў