Заслужаны працаўнік сфэры абслугоўваньня Рэспублікі Беларусь
«Заслужаны працаўнік сфэры абслугоўваньня Рэспублікі Беларусь» — ганаровае званьне.
Ганаровае званьне «Заслужаны працаўнік сфэры абслугоўваньня Рэспублікі Беларусь» прысвойваецца высокапрафэсійным працаўнікам арганізацыяў, якія працуюць у розных сфэрах абслугоўваньня насельніцтва пятнаццаць і больш гадоў, за заслугі ў аказаньні насельніцтву гандлёвых, бытавых, жыльлёвых, камунальных і іншых паслуг, у распрацоўцы і ўкараненьні новых відаў паслуг, формаў і мэтадаў абслугоўваньня, у арганізацыі ўстойлівага і якаснага функцыянаваньня камунальнай гаспадаркі, сыстэм водавычышчэньня і водазабесьпячэньня, службы апалу, асьвятленьні і захаваньні жыльлёвага фонду, у пашырэньні і ўмацаваньні матэрыяльна-тэхнічнай базы арганізацыяў, падвышэньні ўзроўню падрыхтоўкі кадраў.