Доўгая дарога дадому

Доўгая дарога дадому — кніга ўспамінаў беларускага пісьменьніка Васіля Быкава, выдадзеная ў 2002 годзе. Другое выданьне — 2004 год.

Доўгая дарога дадому
Доўгая дарога дадому
Вокладка першага выданьня 2002 году
Жанр:	аповесьць
Аўтар:	Васіль Быкаў
Мова арыгіналу:	беларуская
Год напісаньня:	2002
Публікацыя:	2002
Электронная вэрсія

Зьмест

Гэтая кніга — успаміны народнага пісьменьніка Беларусі Васіля Быкава пра асабіста перажытае амаль за 70 гадоў ягонага багатага на падзеі жыцьця. У цікавай аўтарскай манеры вядомы пісьменьнік расказвае пра найбольш яркія старонкі сваёй біяграфіі, дае ацэнку грамадзка-палітычным і культурным працэсам, што адбываліся ў Беларусі на ягоных вачах. В. Быкаў прапануе досьвед культурнага дзеяча, знакамітага пісьменьніка, выказвае думкі адносна будучага разьвіцьця краіны.

Аўдыё

У чэрвені 2010 ў сэрыі "Бібліятэка Свабоды. XXI стагодзьдзе" выйшла аўдыёкніга "Васіль Быкаў. Доўгая дарога дадому". "Доўгая дарога дадому" гучыць у аўтарскім выкананьні. Запіс быў зроблены ў 2002 годзе ў Празе ў студыі Радыё Свабода.

Вонкавыя спасылкі

• Доўгая дарога дадому на Кніжнай палічцы