Дніпро-1 (футбольны клюб)
«Дніпро-1» (па-ўкраінску: Дніпро-1) — украінскі футбольны клюб зь места Дніпро. Не зважаючы на тое, што клюб ня ёсьць спадкаемцам клюбу «Дніпро», ён набыў усю існую інфраструктуру колішняга клюбу ўлучна з акадэміяй. Пасьля некалькіх гадоў па сваім стварэньні «Дніпро-1» прасунуўся ў Прэм’ер-лігу[3]. Фундатары клюбу — Максім Бераза і Генадзь Палонскі. Эмблема клюбу была перайнята ад адмысловага атраду паліцыі Дніпро-1, якім раней кіраваў Юры Бераза.
| Дніпро-1 | |
_white_background_CMYK.svg) | |
| Поўная назва | Спортивний клуб «Дніпро-1» |
|---|---|
| Заснаваны | 2015[1] |
| Горад | Дніпро, Украіна |
| Стадыён |
Дніпро-Арэна Умяшчальнасьць: 31 003 |
| Галоўны трэнэр | |
| Чэмпіянат | Прэм’ер-ліга |
| · 2022—2023 | 2 месца |
| scdnipro1.com.ua (укр.) | |
Гісторыя рэдагаваць
21 чэрвеня 2017 году Прафэсійная футбольная ліга Ўкраіны (ПФЛУ) разгледзела пытаньне аб улучэньні да сваіх шэрагаў «Дніпро-1»[4]. Клюб ня браў удзелу ў чэмпіянаце сярод аматараў, які патрабуецца, каб атрымаць адпаведны статус дзеля ўхваленьня з бокі асацыяцыі[4]. Тым ня менш, дэлегаты на канфэрэнцыі ПФЛУ з 25 галасамі ўхвалілі заяўку дніпроўскага клюбу[4]. Дэлегаты кіраваліся прэцэдэнтам, калі адроджаны клюб «Вэрэс», які ўдзельнічаў у розыгрышу Прэм’ер-лігі 2017—2018 гадоў, таксама ня браў быў удзелу ў спаборніцтвах аматараў, перш чым ён набыў статус прафэсійнага клюбу[4]. Адным з ключовых аргумэнтаў была таксама прамова ганаровага прэзыдэнту клюбу Юрыя Беразы, які распавёў, што клюб валодае спартовай школай з 300 маладымі спартоўцамі, а таксама мае пагадненьні з стадыёнамі Мэтэор і Дніпро-Арэнай[4]. Бераза таксама сказаў, што клюб мае падтрымку палку Дніпро-1, мясцовых ультрас і супольнасьці гораду ў цэлым[4]. Некаторыя ўкраінскія СМІ абвесьцілі, што клюб паўстаў як пераемнік клюбу «Дніпро»[5].
6 ліпеня 2017 году клюб афіцыйна стаў спадкаемцам футбольнай школы «Дніпро». У той жа дзень быў абвешчаны заявачны склад на сэзон 2017—2018 гадоў розыгрышу Другой лігі. Сярод футбалістаў новай каманды быў шэраг вядомых футбалістаў, як то Яўген Чабярачка і Сяргей Краўчанка[6]. Першым афіцыйным матчам паўсталага клюбу была гульня супраць чарнавіцкай «Букавіны» 9 ліпеня 2017 году розыгрышу Кубка Ўкраіны. У лізе клюб дэбютаваў праз тыдзень 15 ліпеня ў матчы супраць харкаўскага «Мэталісту-1925». У першы ж сэзон дружына здолела прасунуцца ажно да паўфіналу айчыннага кубка і здабыць падвышэньне паводле вынікаў сэзону лігі. Як чэмпіён Першай лігі ў наступным сэзоне «Дніпро-1» прасунулася ў элітны дывізіён[3].
Склад рэдагаваць
- Актуальны на 24 лютага 2024 году
|
|
Крыніцы рэдагаваць
- ^ https://www.scdnipro1.com.ua/нам-6-років/
- ^ https://www.transfermarkt.com/sk-dnipro-1/mitarbeiterhistorie/verein/60551
- ^ а б «„Дніпро-1“ достроково вийшов в УПЛ». ТСН.
- ^ а б в г д е «Официально: „Дніпро 1“ принят в ПФЛ». FootBoom.
- ^ «Футбольну команду СК „Дніпро 1“ включили у другу лігу України». УНІАН.
- ^ «Кравченко, Польовий і Чеберячко виступатимуть за Дніпро-1». UA-Футбол.