Дзікая прырода Тасманіі

Дзікая прырода Тасманіі (па-ангельску: Tasmanian Wilderness) — аб’ект Сусьветнага спадчыны ЮНЭСКО. Уключае шэраг тэрыторыяў у Тасманіі, Аўстралія.

Дзікая прырода Тасманіі анг. Tasmanian Wilderness
Сусьветная спадчына ЮНЭСКО
гара Крэйдл
Краіна	Аўстралія
Тып	Зьмешаны
Крытэры	iii, iv, vi, vii, viii, ix, x
ID	181
Рэгіён	Азіяцка-Ціхаакіянскі
Гісторыя ўключэньня
Уключэньне	1982 (6)
Падаўжэньне	1989

Дзікая прырода Тасманіі як аб’ект Сусьветнай спадчыны ахоплівае 13800 км² ці прыблізна 20% плошчы Тасманіі. У гэтым рэгіёне захаваліся апошнія на Зямлі дажджавыя лясы ўмеранага пояса. Археалягічныя раскопкі паказваюць, што пячоры ў тоўшчы вапняка выкарыстоўваліся старажытнымі людзьмі больш за 20 000 гадоў таму.

Тасманія багатая ўнікальнай фаўнай, з 32 відаў ахоўваемых ў Тасманіі жывёлаў 27 насяляюць у арэале Дзікай прыроды Тасманіі. Адным зь вядомых відаў, якія знаходзяцца пад пагрозай зьнікненьня, зьяўляецца тасманійскі д'ябал. З больш як 150 відаў птушак вылучаецца рэдкі від роду разэлы — зялёная разэла.

Наступныя нацыянальныя паркі ўваходзяць у склад аб’екта Сусьветнай спадчыны Дзікая прырода Тасманіі:

• Гара Крэйдл і возера Сэнт-Клэр (па-ангельску: Cradle Mountain-Lake St Clair National Park)
• Франклін Гордан (па-ангельску: Franklin-Gordon Wild Rivers National Park)
• Горы Хартц (па-ангельску: Hartz Mountains National Park)
• Карставыя пячоры Моўл-Крык (па-ангельску: Mole Creek Karst National Park)
• Паўднёва-Заходні (па-ангельску: Southwest National Park)
• Сьцены Ерусаліма (па-ангельску: Walls of Jerusalem National Park)
• Цэнтральнае плято (па-ангельску: Central Plateau Conservation and Protected Areas)
• Запаведнік глотка д’ябла (па-ангельску: Devils Gullet State Reserve)
• Паўднёва-ўсходні востраў буравесьніка (па-ангельску: South East Mutton Bird Islet)