Гета (Данія)
Ге́та — тэрмін, якім улады і СМІ Даніі называюць сацыяльна праблемныя раёны зь пераважным неэўрапейскім насельніцтвам[1][2]. Сьпіс гета апублікаваны Міністэрствам транспарту, будаўніцтва і жыльля Даніі.
Крытэры
рэдагавацьКаб трапіць у сьпіс гета, раёну дастаткова адпавядаць 3 зь 5 крытэраў:
- Вялікая колькасьць жыхароў ня маюць працы і адукацыі. Прызнаецца толькі адукацыя, зацьверджаная дацкім урадам;
- Вялікая колькасьць жыхароў толькі з пачатковай адукацыяй;
- Вялікая колькасьць жыхароў зь нізкім узроўнем даходаў;
- Вялікая колькасьць жыхароў, асуджаных за злачынствы (прынамсі ўтрая большая колькасьць, чым у сярэднім па краіне);
- Больш за палову жыхароў паходзяць не з краінаў Захаду ці зьяўляюцца нашчадкамі мігрантаў не з краінаў Захаду[3].
Гэтым крытэрам паводле стану на 8 траўня 2018 адпавядалі 30 гета. Калі раён трапляе ў сьпіс гета чатыры гады запар, ён заносіцца ў сьпіс суворых гета. Паводле стану на 11 траўня 2018 налічвалася 16 такіх гета[4]. Асобы, якія атрымліваюць сацыяльную дапамогу: ці то выплаты, ці то адукацыю, ці то інтэграцыю ў грамадзтва — ня маюць права сяліцца ў гэткіх гета.
Крыніцы
рэдагаваць- ^ Kasper Duncan Gram. Hvad betyder ghetto egentlig? (дацк.) // DR, 2 студзеня 2018 г. Праверана 20 жніўня 2018 г.
- ^ Her er den nye ghettoliste: Rekordfå ghettoområder i Danmark (дацк.) // Berlingske, 1 сьнежня 2017 г. Праверана 20 жніўня 2018 г.
- ^ Nørgaard, Trine (9 траўня 2018) Disse boligområder er nu på ghettolisten (дацк.). DR. Праверана 20 жніўня 2018 г.
- ^ Jeppesen, Issa (11 траўня 2018) Flertal forbyder kontanthjælpsmodtagere at flytte i ghettoer (дацк.) Politik. DR. Праверана 20 жніўня 2018 г.