Аўдыт

Аўдыт (ад лац. audit — ён чуе) — праверка фінансавае справаздачнасьці кампаніі аўдытарам.

Прыватны аўдыт праводзіцца па запыце: напрыклад, калі група акцыянэраў запрашае аўдытара для праверкі фінансавае дзейнасьці АТ.

Абавязковы аўдыт — юрыдычна абаснаванае мерапрыемства. У разьвітых краінах кампанія павінна прадставіць банку справаздачу незалежнага аўдытара аб яе фінансавым стане.

У дадзены момант функцыі аўдыту выходзяць за межы праверкі фінансавае дзейнасьці прадпрыемства. Напрыклад, у абавязанасьць зьнешніх аўдытараў уваходзяць:

• апэрацыйны аўдыт — дзейнасьць, падобная да кансалтынгу кампаніі па пытаньнях кіраваньня (ацэнка працы маркетынгу, ацэнка эфэктыўнасьці структуры кампаніі і г. д.)
• аўдыт адпаведнасьці дзейнасьці — праверка адпаведнасьці дзейнасьці кампаніі правілам, усталяваным вышэйшымі органамі або законадаўствам (выкананьне законадаўства аб мінімальным заробку, ацэнка заключаных кантрактаў з пункту гледжаньня юрыдычных патрабаваньняў і інш.)
• і іншыя

Глядзіце таксама

• Аўдыт бухгальтарскае справаздачнасьці