Адкрыць галоўнае мэню

Арэны[1] (араматычныя злучэньні) — цыклічныя арганічныя злучэньні, якія маюць у сваім складзе араматычную сыстэму.

Арэны падзяляюцца на бэнзойдныя (арэны ды іхныя структурныя вытворныя якія ўтрымліваюць бэнзольныя ядры) і небэнзойдныя (усе астатнія) арэны. Сярод небэнзойдных арэнаў добра выдомымі ёсьць пірыдзін, пірол, фуран ды тыофэн. Таксама сустракаюцца ў прыродзе і неарганічныя араматычныя злучэньні, такія як баразол (інакш неарганічны бэнзол).

Апроч бэнзольных калец арэны часта ўтрымліваюць іншыя разнастайныя вуглевадародныя групы (аліфатычныя, нафтэнавыя, поліцыклічныя). Асноўным сродкам здабыцьця арэнаў служыць каменнавугольная смала, нафта ды нафтапрадукты. Таксама вялікая значэньне маюць і сынтэтычныя мэтады атрыманьня.

Асноўнымі прадстаўнікамі арэнаў ёсьць: бэнзол С6Н6 і ягоныя гамолягі талуол, кумол, нафталін, антрацэн і вытворныя ад іх. Арэны ёсьць — зыходнай сыравінаю для прамысловага атрыманьня кетонаў, альдэгідаў, араматычных квасаў ды іншых злучэньняў.

КрыніцыРэдагаваць