Тайрыз Галібэртан
Тайрыз Галібэртан (па-ангельску: Tyrese Haliburton; нар. 29 лютага 2000 году) — амэрыканскі баскетбаліст клюбу «Індыяна Пэйсэрз» з НБА. Выступае на пазыцыі гульнёвага абаронцы. Здабыў залаты мэдаль у складзе зборнай ЗША на летніх Алімпійскіх гульнях 2024 году.
| Тайрыз Галібэртан | ||
_(cropped).jpg)
| ||
| Пазыцыя: | разыгрываючы абаронца | |
| Рост: | 196 см | |
| Вага: | 78 кг | |
| Грамадзянства: | ||
| Нарадзіўся: | 29 лютага 2000 (25 гадоў) | |
| Альма-матэр: | ||
| Драфт | ||
|
12, драфт НБА 2020 году | ||
| Клюбная інфармацыя | ||
|---|---|---|
| Клюб | Індыяна Пэйсэрз | |
| Клюбы | ||
| Гады | Клюб | |
| 2018—2020 | Аёва Стэйт Сайкланз[d] | |
| 2020—2022 | Сакрамэнта Кінгс | |
| 2022— | Індыяна Пэйсэрз | |
| Статыстыка на NBA.com | ||
Кар’ера
рэдагавацьПасьля кар’еры ў студэнцкім баскетболе ў складзе «Аёвы Стэйт Сайкланз» на драфце 2020 году ён быў абраны пад 12-м нумарам клюбам «Сакрамэнта Кінгс»[4]. 23 сьнежня 2020 году Галібэртан дэбютаваў у НБА, выйшаўшы з лаўкі запасных у матчы супраць «Дэнвэр Нагетс», набраўшы 12 пунктаў, зрабіўшы чатыры перадачы, два падборы і блёк[5]. 29 студзеня 2022 году гулец набраў рэкордныя за кар’еру 38 пункт разам зь сямю перадачамі, трыма падборамі і двума перахопамі ў матчы супраць «Філадэлфіі Сэвэнці Сыксэрз»[6].
8 лютага 2022 году Галібэртан, Бадзі Гілд і Трыстан Томпсан былі абмененыя ў «Індыяну Пэйсэрз» у абмен на Домантаса Сабоніса, Джастына Голідэя, Джэрэмі Лэмба і выбар у другім раўндзе на драфце 2023 году[7]. У момант абмену трэнэр «Пэйсэрз» Рык Карлайл назваў Галібэртана «элітным маладым гульнёвым, які шматлікімі спосабамі ўплывае на гульню»[8]. 11 лютага спартовец дэбютаваў у складзе новай каманды, але ягоны клюб зазнаў паразу ад «Кліўлэнд Кавальерз» зь лікам 120:113. Сам гулец паклаў на свой рахунак 23 пункты ў дадатак да 6 перадачаў, 3 падбораў і 3 перахопаў[9]. 1 красавіка ў няўдалым матчы каманды супраць «Бостан Сэлтыкс» Галібэртан набраў 30 пунктаў за 25 хвілінаў, рэалізаваўшы 10 з 11 кідкоў з гульні, 6 з 6 па-за трохпунктавай лініі і 4 з 4 зь лініі штрафных[10]. 10 сьнежня 2022 году ён набраў 35 пунктаў, а таксама зрабіў 9 галявых перадач і 3 перахопы ў матчы супраць «Бруклін Нэтс», але каманда зазнала паразу зь лікам 136:133[11]. Галібэртан быў прызначаны на свой першы матч усіх зорак НБА ў 2023 годзе як рэзэрвовы абаронец каманды Ўсходняй канфэрэнцыі, набраўшы 18 пунктаў, 3 перадачы і падбор[12]. 1 ліпеня 2023 году гулец узгодніўся на падаўжэньне кантракту з «Пэйсэрз» на суму да 260 мільёнаў даляраў цягам наступных пяці гадоў[13]. 4 лістапада ён назьбіраў рэкордныя за кар’еру 43 пункты і зрабіў 12 перадачаў, але ягоная каманда прагуляла «Шарлот Горнэтс». 30 лістапада таго ж году ён усталяваў новы ўласны рэкорд, закінуўшы мячы на 44 пункты ў матчы супраць «Маямі Гіт»[14]. 4 сьнежня гулец учыніў свой першы трыпл-дабл з 26 пунктамі, 10 падборамі, 13 перадачамі ў пераможным зь лікам 122:112 лікам супраць «Бостан Сэлтыкс»[15].
Крыніцы
рэдагаваць- ^ а б Sports-Reference.com (анг.)
- ^ а б College Basketball at Sports-Reference.com
- ^ а б Basketball Reference (анг.)
- ^ «Kings Select Tyrese Haliburton in the First Round of the 2020 NBA Draft». NBA.
- ^ «Hield tip-in leads Kings to 124–122 overtime win in Denver». ESPN.
- ^ Thanawalla, Ali (29.01.2022). «Haliburton’s career-high 38 wasted in Kings’ loss to 76ers». NBC Sports.
- ^ «Pacers Acquire Tyrese Haliburton, Buddy Hield, and Tristan Thompson from Kings». NBA.
- ^ «Pacers trade Domantas Sabonis to Kings in 6-player deal». NBA.
- ^ Boyd, James (11.02.2022). «Tyrese Haliburton shines in Pacers debut, but Caris LeVert leads Cavs to win in his return». Indy Star.
- ^ «Tyrese Haliburton (30 Points) Highlights Vs. Boston Celtics». NBA.
- ^ «Thomas helps short-handed Nets rally past Pacers, 136-133». ESPN.
- ^ «2023 NBA All-Star reserves revealed». NBA.
- ^ «Report: Tyrese Haliburton agrees to max contract extension with Pacers». NBA.
- ^ «Butler scores 36, Heat get hot late to top Pacers 142-132 and snap a 3-game slide». ESPN.
- ^ Guinhawa, Angelo (4.12.2023). «Pacers’ successful KO of Celtics has fans firing absolutely wild reactions». ClutchPoints.