9/12 Прынца Ўэйлскага Каралеўскі ўланскі полк

9/12 Прынца Ўэйлскага Каралеўскі ўланскі полк (па-ангельску: 9th/12th Royal Lancers) — кавалерыйскі полк у складзе брытанскай арміі. Полк у яго цяперашнім выглядзе быў сфармаваны 11 верасьня 1960 году ў гарнізоннай царкве Тыдўарта ў выніку аб'яднаньня 9-га Яе Вялікасьці Каралеўскага ўланскага палка і 12-га ўланскага палка.

9/12 Прынца Ўэйлскага Каралеўскі ўланскі полк
9th/12th Royal Lancers (Prince of Wales)
Гады існаваньня	11 верасьня 1960-
Краіна	Вялікабрытанія
Уваходзіць у	Брытанская армія
Тып	Лінейная кавалерыя
Колькасьць	полк
Мянушка	Дэлійскія капейшчыкі
Дэвіз	Ich Dien — Я служу
Марш	хуткі — God Bless the Prince of Wales павольны — Men of Harlech/Coburg

Тут, 11 верасьня 1960 году, 9/12 уланскі каралеўскі (прынца Ўэйлскага) полк быў сфармаваны 9-м Яе Вялікасьці Каралеўскім уланскім палком і 12-м Каралеўскім уланскім палком (прынца Ўэйлскага), якія сабраліся перал Богам. Гэта не пачатак, але працяг да самога канца, што прыносіць сапраўдную славу. Арыгінальны тэкст  (анг.)   Here on the 11 September 1960, 9th/12th Royal Lancers (Prince of Wales’s) was formed by the 9th Queen’s Royal Lancers and the 12th Royal Lancers (Prince of Wales’s) coming together before God. It is not the beginning but the continuing of the same until it be thoroughly finished, which yieldeth the true glory.

З моманту фармаваньня полк разьмяшчаўся ў Аўганістане, Бэлізе, Босьніі, Нямеччыне, Іраке, Канадзе, Кіпры, Косава, Кувэйце, Паўночнай Ірляндыі і Саудаўскай Арабіі. У шэрагу краінаў полк удзельнічаў у баявых дзеяньнях.

Існуе дабрачынная асацыяцыя, якая ставіць за мэту дапамогу ўсім цяперашнім і былым чальцам палка (роўна як і чальцам падразьдзяленьня, зь якіх ён быў утвораны).

Апэрацыі

Неўзабаве пасьля ўтварэньня полк быў пераведзены ў Паўночную Ірляндыю. Зь верасьня 1962 году полк год прабыў на Блізкім Усходзе, і далей перабазіраваўся ў Нямеччыну. 15 ліпеня 1965 году каралева Лізавета II як галоўнакамандуючы ўзброенымі сіламі, прыняла парад з удзелам палка. Яшчэ раз каралева наведала полк 9 траўня 1970 году. Шчыльная сувязь з горадам Дэрбі прывяла да ўзнагароджаньня палка «Freedom of the City» 10 траўня 1972 году.

У 1972 годзе полк прыняў удзел ва ўрэгуляваньні Канфлікту ў Паўночнай Ірляндыі. Полк актыўна ўдзельнічаў у апэрацыях у Босьніі, пачынаючы з 1992 году.

Палкавая малітва

О Вечны Божа, дай нам, тваім слугам 9/12 каралеўскім уланам, сілаў, кірунак, сьмеласьць і непахісную веру, што мы здолеем калі-колечы служыць табе па-сапраўднаму, і, урэшце, міласьці Тваёй дасягнуць вечнае славы, праз Ісуса Хрыста, Госпада нашага — Амэн

Арыгінальны тэкст  (анг.)  

O Eternal God, grant to us, thy servants of the 9th/12th Royal Lancers, strength, guidance, courage, and steadfast Faith, that we may ever serve thee truly; and finally by thy mercy attain everlasting glory, through Jesus Christ our Lord - Amen

Палкавы музэй

Палкавы музэй падразьдзяленьня працуе ў рамках Музэю і мастацкай галерэі Дэрбі. Уваход у музэй — бясплатны, хоць прымаюцца ахвяраваньні на падтрыманьне калекцыі. У цяперашні выгляд галерэя была прыведзеная на сродкі гранта ад Heritage Lottery Fund (HLF) сумесна з 9/12 Прынца Ўэйлскага Каралеўскім уласнкім полкам, гарадзкой радай Дэрбі і падразьдзяленьнямі Derbyshire Yeomanry, Worcestershire и Sherwood Foresters. Адкрыцьцё адноўленай галерэі адбылося 25 кастрычніка 2008 году. Было выстаўлена каля 200 новых аб’ектаў, уключаючы макет танкавае вежы, зброя, мэдалі, поўнапамерныя рэканструкцыі ўланаў часоў Першай сусьветнай вайны і невялікі кавалак траншэі тых жа часоў разам з гукавымі эвэктамі. Экспазыцыя суправаджаецца аўдыё-відэа гідам.