Юстын Мурашка
Юсты́н Мура́шка (?, в. Маркаўцы, Вішнеўская воласьць, Вялейскі павет — 1952) — беларускі грамадзка-палітычны дзеяч.
Юстын Мурашка | |
| Дата нараджэньня | невядома |
|---|---|
| Месца нараджэньня | |
| Дата сьмерці | 1952 |
| Занятак | палітык |
- Вікіпэдыя мае артыкулы пра іншых асобаў з прозьвішчам Мурашка (неадназначнасьць).
Біяграфія рэдагаваць
Да беларускага руху далучыўся ў 1909 годзе. Да 1917 году працаваў ў беларускіх арганізацыя Петраграду. Сябар Цэнтральнай беларускай вайсковай рады. У 1918 годзе ў якасьці прадстаўніка ўваходзіў у склад Рады БНР. Удзельнік Першага ўсебеларускага сходу.
У чэрвені 1919 абраны сакратаром Прэзыдыюму Беларускай Рады Віленшчыны і Гарадзеншчыны. Сябра Беларускай вайсковай камісіі. Пасьля 1920 году жыў у Заходняй Беларусі.
У 1928 годзе балатаваўся ў польскі сойм па выбарчым сьпісе «Беларускія сяляне і работнікі» начале зь Янкам Станкевічам.
У лістападзе 1941 году быў бурмістам Ашмянаў, дзе арганізаваў беларускае школьніцтва й адміністрацыю. Пасьля далучэньня Ашмянаў да Летувы, быў бурмістам у Валожыне[1]. На нейкі час быў арыштаваны паліцыяй з даносу польскага падпольля[2]. Пасьля 1944 — зьехаў на Захад.
У 1949 годзе браў удзел у Першым сусьветным зьезьдзе беларускай эміграцыі.
Крыніцы рэдагаваць
Літаратура рэдагаваць
- Кароткі нарыс беларускага пытаньня (пер з польск.). Менск: Логвінаў, 2009. С.274, нататка 627.
- Юстын Мурашка. (На 30-я ўгодкі сьмерці.) «Беларус», № 305, кастрычнік 1982, с. 3—4. Кастусь Калоша