Энцыкліка

Энцы́кліка (па-лацінску: encyclica ад encyclicus — кругавы, цыркулярны; па-грэцку: ενκυκλιος ад κύκλος — круг, кола) — асноўны папскі ці патрыярхаў цыркулярны дакумэнт, адрасаваны біскупам, сьвятарам і вернікам па ўсім сьвеце.

Каталіцтва

Напісаньне энцыклікаў практыкуецца ў каталіцтве з часоў пантыфікату Бэнэдыкта XIV, які ў 1740 року склаў ліст пад назваю Ubi primum.

Энцыкліка — другі паводле важнасьці дакумэнт пасьля Апостальскай канстытуцыі. Папа рымскі зьвяртаецца з энцыклікай да ўсяе Царквы. Звычайна тэкст складаецца па-лацінску і сьцісла, у адрозьненьне ад булы. Назва энцыклікі паходзіць ад першых словаў тэксту.

Праваслаўе

З энцыклікамі ў праваслаўі зьвярталіся япіскапы Александрыі, Антыёхіі і Канстантынопалю, а пазьней патрыярхі. Яны адрасуюцца як усёй Царкве, так і мясцовым япіскапам.

У Расейскай праваслаўнай царкве энцыклікі называюцца акружнымі пасланьнямі.

Англіканства

Сярод англіканаў тэрмін «энцыкліка» адрадзіўся ў канцы XIX стагодзьдзя. Ім называюць цыркуляры, напісаныя ангельскімі прымасамі.

Глядзіце таксама

• Сьпіс папскіх энцыклікаў
• Була
• Томас
• Фэтва
• Цыркуляр

Літаратура

• Энциклопедический словарь Брокгауза и Ефрона: В 86 томах (82 т. и 4 доп.). СПб, 1890—1907.

Вонкавыя спасылкі

• Енцикліка  (укр.) // Юридична енциклопедія
• Сьпіс папскіх энцыклікаў рознымі мовамі