Афраамэрыканская ангельская (у ангельскамоўным асяродзьдзі вядомая пад назовамі: Afroamerican English, Black English, Ebonics (па-ангельску: ebony і па-ангельску: phonics), AAVE — African American Vernacular English) — асаблівы разнавід ангельскай мовы з прыкметамі дыялекту і сацыялекту. Гутарковая, а часам і літаратурная мова афраамэрыканцаў.

Гісторыя рэдагаваць

Лінгвісты дагэтуль ня высьветлілі, дзе менавіта пачалося фармаваньне эбаніксу. Два асноўныя пукты гледжаньня:

  1. Афраамэрыканская мова — крэольская мова, зароджаная ў Заходняй Афрыцы яшчэ ў XVII стагодзьдзі сярод карэнных народаў, што належаць да макрасям'і нігера-кангалескіх моваў (народы сем'яў ква, гур, мандынга, атлянтычнай (заходнеатлянтычнай) сям'і, часткова - сям'і моваў бэнуэ-конга). Гэтая мова была сродкам зносін паміж абарыгенамі і ангельцамі.
  2. Афраамэрыканская мова — вынік зьмешваньня ангельскай лексыкі з афрыканскім вымаўленьнем і, часткова, граматыкай, які зьявіўся на тэрыторыі сёньняшніх ЗША з пачаткам інтэнсіўнага ўвозу рабоў.

Няпэўным застаецца статус афраамэрыканскай ангельскай: ад самастойнай мовы да дыялекту, гаворкі ў межах амэрыканскай ангельскай.

Вонкавыя спасылкі рэдагаваць