Уніён Бэрлін

	Уніён
Поўная назва	1. FC Union Berlin e. V.
Заснаваны	1906
Горад	Бэрлін, Нямеччына
Стадыён	Ан дэр Альтэн Фёрштэрай; Умяшчальнасьць: 18 432
Прэзыдэнт	Дырк Цынглер[d]
Галоўны трэнэр	Нэнад Беліца[d];
Чэмпіянат	Бундэсьліга
· 2022—2023	4 месца
	Галерэя здымкаў у Вікісховішчы; fc-union-berlin.de (ням.) (анг.)

«Уніён» (па-нямецку: Union) — нямецкі футбольны клюб з гораду Бэрліна. Заснаваны ў 1906 годзе пад назвай «Алімпія». Фіналіст Кубка Нямеччыны (2001).

За часам халоднае вайны «Ўніён» месьціўся ва Ўсходнім Бэрліне таму браў удзел у розыгрышах чэмпіянату НДР. Пасьля ўзьяднаньня Нямеччыны далучыўся да агульнанямецкай клюбнай структуры ў 1990 годзе^[1]. З 2009 па 2019 гады клюб быў сталым удзельнікам Бундэсьлігі 2, якая ёсьць другім дывізіёнам клюбнага футболу краіны. У 2019 годзе «Ўніён» прасунуўся ў Бундэсьлігу ўпершыню ў сваёй гісторыі. У 2022 годзе клюб браў удзел у кваліфікацыйных раўндах Лігі Эўропы.

Па стане на 2022 год, «Уніён» налічвае 45 тысяч афіцыйных сябраў клюбу^[2]. Вядомы сваёй заўзятарскай супольнасьцю^[3]. У часы падзелу Нямеччыны галоўнае супрацьстаяньне клюб меў з бэрлінскім «Дынама», якое асацыявалася з службай бясьпекі Штазі. Не зважаючы на тое, што іншым буйным клюбам Бэрліну на сёньня ёсьць «Гэрта», асаблівага супрацьстаяньня паміж камандамі бракуе.

Гісторыя рэдагаваць

Заснаваньне рэдагаваць

Клюб быў закладзены ў 1906 годзе пад назвай «Алімпія» і базаваўся ў бэрлінскім раёне Обэршэнэвайдэ, які на той час быў яшчэ прадмесьцем. У 1910 годзе назва была зьмененая на «Ўніён 06». У тыя часы каманда была адной зь вядучых у Бэрліне, рэгулярна перамагаючы ў мясцовых чэмпіянатах і спаборнічаючы на нацыянальным узроўні. Гэтак «Уніён» прасунуўся ажно да фіналу чэмпіянату Нямеччыны 1923 году, дзе яны саступілі «Гамбургу» зь лікам 0:3.

Ад пачатку клюб асацыяваўся з працоўнай клясай, у той час большасьць бэрлінскіх клюбаў мелі паходжаньне зь сярэдняе клясы, як то «Вікторыя», «Бляў-Вайс», БСФ-92 і «Тэніс Барусія». Як мяркуецца, у тыя часы зьявіўся клюбны вокліч — «Жалезны зьвяз!» (ням. Eisern Union!), які дасюль шырока ўжываецца заўзятарамі клюбу^[4].

Склад рэдагаваць

Актуальны на 11 лютага 2024 году

№	Пазыцыя	Імя	Год нараджэньня
1	Бр	Фрэдэрык Рэнаў	1992
2	Аб	Кевін Фогт	1991
3	Аб	Паўль Якель	1998
4	Аб	Дыёгу Лейтэ	1999
5	Аб	Данілё Духі	1998
6	ПА	Робін Гозэнс	1994
7	ПА	Брэндан Аарансан (ар. Лідс Юн.)	2000
8	ПА	Рані Хэдыра	1994
9	Нап	Мікель Каўфман	2001
10	Нап	Кевін Фолянд	1992
11	Нап	Крыс Бэдыя	1996
12	Бр	Якаб Буск	1993
13	ПА	Андраш Шэфэр	1999

№	Пазыцыя	Імя	Год нараджэньня
14	Нап	Ёрбэ Вэртэсэн	2001
16	Нап	Бэнэдыкт Голербах	2001
18	Аб	Ёсіп Юранавіч	1995
19	ПА	Янік Габэрэр	1994
20	ПА	Айса Лайдуні	1996
26	Аб	Жэром Русіён	1993
28	Аб	Крыстафэр Трымэль (капітан)	1987
29	ПА	Люка Тузар	1997
31	Аб	Робін Кнохэ	1992
33	ПА	Алекс Краль (ар. Спартак)	1998
37	Бр	Аляксандар Шволяў	1992
42	ПА	Ноа Энгельбрэт	2005