Тратылавы эквівалент

Траты́лавы эквівалент — мера вызваленьня энэргіі высокаэнэргетычных падзеяў, прыведзеная ў колькасьці трынітраталюолу (ТНТ), які вызваляе пры выбуху роўную колькасьць энэргіі.

Вышыня ядзернага грыба ў залежнасьці ад энэргіі (у тратылавым эквіваленце)

Удзельная энэргія выбуховага раскладаньня трынітраталюолу ў залежнасьці ад умоваў правядзеньня выбуху вагаецца ў дыяпазоне 980—1100 кал/г. Для параўнаньня розных відаў выбуховых рэчываў умоўна прынятыя значэньні 1000 кал/г і 4184 Дж/г.

• 1 грам трынітраталюолу вызваляе 1000 тэрмахімічных калёрыяў, або 4184 джоўляў;
• 1 кіляграм ТНТ = 4,184×10⁶ Дж;
• 1 тона ТНТ = 4,184×10⁹ Дж;
• 1 кілятона (кт) ТНТ = 4,184×10¹² Дж;
• 1 мэгатона (Мт) ТНТ = 4,184×10¹⁵ Дж;
• 1 гігатона (Гт) ТНТ = 4,184×10¹⁸ Дж.

Гэтыя адзінкі выкарысоўваюцца для ацэнкі энэргіі, якая вызваляецца падчас ядзерных выбухаў, выбухаў хімічных выбуховых прыладаў, падзеньняў астэроідаў і камэт, выбухаў вульканаў.

Энэргія выбуху ядзернай бомбы «Малы» над Хірасімай 6 жніўня 1945 году паводле розных ацэнак складае ад 13 да 18 кт ТНТ, што адпавядае поўнай канвэрсіі ў энэргію прыблізна 0,7 г масы ($E=mc^{2}=0,0007*(3\times 10^{8})^{2}$).

Для параўнаньня, агульнае сусьветнае спажываньне электраэнэргіі за 2005 год (5×10²⁰ Дж) адпавядае велічыні 120 Гт ТНТ, або ў сярэднім 3,8 кт у сэкунду.