Сіпа
рака ў Беларусі
Сі́па — рака ў Беларусі, левы прыток ракі Шчары (басэйн Нёману). Цячэ ў Зэльвенскім і Мастоўскім раёнах Гарадзенскай вобласьці. Даўжыня 26 км. Плошча вадазбору 147 км². Сярэдні нахіл воднай паверхні 1,7‰.
| Сіпа | |
| Агульныя зьвесткі | |
|---|---|
| Выток | каля в. Грабава |
| Вусьце | Шчара |
| Краіны басэйну | Беларусь |
| Вобласьці | Гарадзенская вобласьць |
| Даўжыня | 26 км |
| Плошча басэйну | 147 км² |
| Нахіл воднай паверхні | 1,7 ‰ |
На рацэ стаіць гістарычнае мястэчка Дзярэчын.
Пачынаецца каля вёскі Грабава Зэльвенскага раёну, цячэ праз возера Азяранскае, упадае ў Шчару на паўночным захадзе ад вёскі Пяшчанкі Мастоўскага раёну. Мае каналізаванае рэчышча на працягу 9 км: ад вёскі Букштава да вёскі Малых Азёркаў (3 км) і ад пункту за 1,4 км ніжэй возера Азяранскага да вёскі Баяраш (6 км). Абалона да возера амаль на ўсім працягу забалочаная[1].
Крыніцы рэдагаваць
- ^ Блакітная кніга Беларусі. Энцыкл. — Мн.: 1994. С. 334.
Літаратура рэдагаваць
- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1