Сяргей Паліцевіч
Сярге́й Паліце́віч (нарадзіўся 9 красавіка 1990 году, Ліда, БССР) — беларускі футбаліст, абаронца менскага клюбу «Дынама» і нацыянальнай зборнай Беларусі.
| Сяргей Паліцевіч | ||
| ||
| Пэрсанальная інфармацыя | ||
|---|---|---|
| Нарадзіўся | 9 красавіка 1990[1][2][3] (34 гады) | |
| Рост | 190 см | |
| Вага | 85 кг[4] | |
| Пазыцыя | абаронца | |
| Клюбная інфармацыя | ||
| Клюб | Дынама Менск | |
| Нумар | 6 | |
| Клюбы | ||
| Гады | Клюб | Гульні (галы)¹ |
| 2007 | Нафтан | 11 (1) |
| 2008—2010 | Крылы Саветаў | 0 (0) |
| 2009—2010 | → Нафтан | 41 (6) |
| 2011—2015 | Дынама Менск | 131 (8) |
| 2016—2018 | Генчлербірлігі | 62 (1) |
| 2018—2019 | Кайрат | 17 (0) |
| 2020—2022 | Шахцёр Салігорск | 32 (4) |
| 2023— | Дынама Менск | 23 (3) |
| Зборныя | ||
| 2007—2009 | Беларусь (да 19)[d] | 11 (0) |
| 2009—2012 | Беларусь (да 21) | 31 (0) |
| 2014— | Беларусь | 45 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец лідзкага футболу, у 2007 годзе гуляў за «Нафтан», а ў наступным годзе апынуўся ў расейскім клюбе «Крылы Саветаў» з Самары. Пазьней вярнуўся ў «Нафтан» на правах арэнды.
У студзені 2011 году падпісаў кантракт зь менскім «Дынама», дзе хутка стаў асноўным цэнтральным абаронцам. У кастрычніку 2013 году разам з Аляксандрам Сулімам быў пераведзены ў дублюючы склад[5], але празь месяц вярнуўся ў аснову[6] і зноўку заняў сваё месца ў цэнтры абароны. У студзені 2014 году падоўжыў кантракт з «Дынама» на два гады[7]. У сэзоне 2014 году ўжо трывала выступаў у аснове на пазыцыі цэнтральнага абаронцы. У сэзоне 2015 году, пасьля сыходу з «Дынама» Дзьмітрыя Молаша і Ігара Стасевіча, стаў капітанам каманды.
Па заканчэньні сэзона 2015 году ў «Дынама» жадалі падоўжыць супрацу з абаронцам, але Паліцевіч меў намер працягнуць кар’еру за мяжой. 14 студзеня 2016 году ён скдаў працоўную дамову з турэцкім клюбам «Генчлербірлігі»[8], якая мела тэрмін на 1,5 гады. Неўзабаве замацаваўся ў стартавым складзе каманды. У чэрвені 2017 году падоўжыў пагадненьне з «Генчлербірлігі» яшчэ на два гады[9]. Паводле вынікаў сэзону 2017—2018 гадоў «Генчлербірлігі» страціў месца ў турэцкай Супэрлізе, і ў ліпені 2018 году Паліцевіч перайшоў у казаскі «Кайрат»[10]. Спачатку трывала гуляў у пачатковым складзе, але пазьней стаў заставацца на лаўцы запасных. У сэзоне 2019 году звычайна быў гульцом ратацыі, часам зьяўляўчыся на пляцоўцы ў першай адзінаццатцы.
У студзені 2020 году пакінуў «Кайрат»[11] і неўзабаве ўзмацніў склад салігорскага «Шахцёра»[12]. У 2020—2021 гадах шмат прапусціў праз траўмы, а ў сэзоне 2022 году замацаваўся ў асноўным складзе каманды, стаўшы ейным капітанам. У студзені 2023 году па заканчэньні кантракту пакінуў «Шахцёр»[13] і хутка стаў гульцом менскага «Дынама»[14]. У сакавіку быў абраны капітанам каманды[15].
Міжнародная рэдагаваць
21 траўня 2014 году дэбютаваў у складзе нацыянальнай зборнай Беларусі ў таварыскім матчы з камандай Ліхтэнштайну.
Дасягненьні рэдагаваць
«Дынама»:
- Чэмпіён Беларусі: 2020, 2021, 2023
- Срэбны прызэр чэмпіянату Беларусі: 2014, 2015
- Бронзавы прызэр чэмпіянату Беларусі: 2012, 2013
- У сьпісе 22 найлепшых футбалістаў чэмпіянату Беларусі: 2010, 2013, 2014, 2015, 2022, 2023
Беларусь:
- Бронзавы прызэр маладзёвага чэмпіянату Эўропы: 2011
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Менск | 2015 | Найвышэйшая ліга | 22 | 0 |
Крыніцы рэдагаваць
- ^ а б в Sergey Politevich // Transfermarkt (мн.) — 2000.
- ^ а б в Syarhey Palitsevich // FBref.com (мн.)
- ^ а б в Sergei Politevich // As (гішп.) — Madrid: Grupo Prisa, 1967. — ISSN 1888-6671
- ^ а б https://www.pressball.by/footballstat/sergey_politevich/
- ^ Минское «Динамо»: «Политевич и Сулима переведены в дубль на основе анализа» (рас.) Football.by
- ^ Политевич возвращен в основу минского «Динамо» (рас.) Tut.by
- ^ Политевич на два года продлил контракт с минским «Динамо» (рас.) Football.by
- ^ Сергей Политевич подписал контракт с "Генчлербирлиги" (рас.)
- ^ Футбол. Сергей Политевич продлил контракт с "Генчлербирлиги" на два года (рас.)
- ^ Сергей Политевич стал игроком "Кайрата" (рас.)
- ^ Политевич официально покинул «Кайрат» (рас.)
- ^ Политевич подписал контракт с "Шахтером" (рас.)
- ^ Футбол. Сергей Политевич расстался с "Шахтером". Он был капитаном команды (рас.) Архіўная копія ад 3 студзеня 2023 г.
- ^ Футбол. Сергей Политевич вернулся в минское "Динамо" (рас.) Архіўная копія ад 5 студзеня 2023 г.
- ^ Политевич стал новым капитаном минского "Динамо" (рас.)