Сэльта Віга

	Сэльта
Поўная назва	Real Club Celta de Vigo, S.A.D.
Заснаваны	23 жніўня 1923
Горад	Віга, Гішпанія
Стадыён	Баляідас; Умяшчальнасьць: 31 800
Галоўны трэнэр	Рафаэль Бэнітэс;
Чэмпіянат	Ля Ліга
· 2022—2023	13 месца
Хатнія колеры	Выязныя колеры
	Галерэя здымкаў у Вікісховішчы; rccelta.es (гішп.) (галіс.) (анг.)

«Сэльта» (па-гішпанску: Real Club Celta de Vigo) — гішпанскі прафэсійны футбольны клюб, які базуецца ў горадзе Віга ў Галісіі, у цяперашні час гуляе ў найвышэйшым айчынным дывізіёне Ля Лізе. Клюб быў заснаваны 28 сакавіка 1923 году ў выніку аб’яднаньня клюбаў «Рэал Віга Спортынг» і «Рэал Фартуна». Традыцыйная форма клюбу складаецца з блакітных футболкаў і белых трусоў. Хатнія сустрэчы клюбу праводзіць на стадыёне «Баляідас», які здольны зьмесьціць 32 500 гледачоў^[1].

«Сэльта» гуляла на працягу многіх гадоў у гішпанскім першым дывізіёне, але ніколі не была чэмпіёнам лігі або ўладальнікам кубкаў, нягледзячы на тое, некалькі разоў была блізкая да гэтага. Іхным найлепшым сэзонам быў сэзон 1970—1971 гадоў, калі яны не былі зьбітыя дома ніводнага разу й былі вядомыя як «Гіганты-забойцы». Яны скончылі сэзон на шостым месцы, з аднолькай колькасьцю балаў што й «Атлетык» зь Більбао. Гэта азначала, што каманда выйшла ў Кубак УЭФА на наступны сэзон. На іхны жаль, яны былі выбітыя «Абэрдынам» у першым раўндзе.

Гісторыя рэдагаваць

Заснаваньне рэдагаваць

«Сэльта» была сфармаваная ў выніку амбіцыяў камандаў Віга да дасягненьня нацыянальнага ўзроўню, бо на іхную думку перавага басконскіх клюбаў у Гішпаніі была занадтай. Ідэя заключалася ў тым, каб аб’яднаць абодва клюбы, каб стварыць больш моцную каманду на нацыянальным узроўні. Сьцяганосцам гэтага руху быў Мануэль дэ Кастра, спартовы аглядальнік для часопісу Фаро дэ Віга, які з 1915 году пачаў пісаць у сваіх артыкулах аб неабходнасьці ўнітарыянскага руху. Лёзунгам ягонага руху быў «Усё ў і для Віга» (гішп. Todo por y para Vigo), які ў рэшце рэшт знайшоў падтрымку сярод кіраўнікоў вігаўскіх клюбаў. Рашэньне аб аб’яднаньні было падтрымана аднагалосна, калі дэ Кастра прадставіў рух на сходзе Каралеўскай гішпанскай фэдэрацыі футболу ў Мадрыдзе, 22 чэрвеня 1923 году.

ЭўраСэльта рэдагаваць

Канец 1990-х гадоў адзначыўся найлепшымі вынікімі ў гісторыі «Сэльты», у якім яны здолелі кансалідаваць сябе ў якасьці топ-шэсьць Лігі. З 1998 па 2003 гады клюб не апускаўся ў выніковай табліцы ніжэй за шостае месца. Яны атрымалі назву «EuroCelta» ў гішпанскай прэсе, бо гэткімі вынікамі забясьпечвалі для сябе сталае месца ў эўракубках. Найбольш важнымі гульцамі на працягу гэтага пэрыяду былі гульцы Аляксандар Маставы, Валер Карпін і Хаім Рэвіва.

Супрацьстаяньне рэдагаваць

Галоўны супраціўнік «Сэльты» ёсьць іхныя паўночныя суседзі з «Дэпартыва». Матчы паміж гэтымі дзьвюма камандамі называюць Галісійскім дэрбі.

Склад рэдагаваць

Актуальны на 11 лютага 2024 году

№	Пазыцыя	Імя	Год нараджэньня
2	Аб	Карл Старфэльт	1995
3	Аб	Оскар Мінгеса	1999
4	Аб	Унаі Нуньес (ар. Атлетык)	1997
5	ПА	Рэната Тапія	1995
6	ПА	Карляс Датор	2001
7	Нап	Карлес Пэрэс	1998
8	ПА	Фран Бэльтран	1999
9	Нап	Тадэо Альендэ	1999
10	Нап	Яга Аспас (капітан)	1987
11	Нап	Франка Сэрві	1994
12	Нап	Анастасіяс Дубікас	1999
13	Бр	Іван Вільяр	1997
14	ПА	Лука дэ ла Торэ	1998

№	Пазыцыя	Імя	Год нараджэньня
15	Аб	Джозэф Айду	1995
16	ПА	Жаілсан Сыкейра	1995
17	Нап	Жанатан Бамба	1996
18	Нап	Ёрген Лярсэн	2000
19	ПА	Віліят Свэдбэрг	2004
20	Аб	Кевін Васкес	1993
21	Аб	Міхайла Рыстыч	1995
22	Аб	Хавіер Манкільлё	1994
23	Аб	Ману Санчэс	2000
24	Нап	Мігель Радрыгес	2003
25	Бр	Вісэнтэ Гуаіта	1987
28	Аб	Карляс Дамінгес	2001
30	ПА	Уга Сатэлё	2003

Крыніцы рэдагаваць

^ Профіль стадыёну на Fussballtempel.net.

Вонкавыя спасылкі рэдагаваць

[1] Профіль стадыёну на Fussballtempel.net.

[1]