Сан-Паўлу (штат)

фэдэральны штат Бразыліі

Сан-Па́ўлу (па-партугальску: São Paulo) — штат на паўднёвым усходзе Бразыліі. Мяжуе са штатамі Мінас-Жэрайс на поўначы і з паўночнага ўсходу, Парана на поўдні, Рыю-дэ-Жанэйру на ўсходзе і Мату-Гросу-ду-Сул на захадзе. З паўднёвага ўсходу штат абмываецца Атлянтычным акіянам. Адміністрацыйным цэнтарам ёсьць горад Сан-Паўлу. Штат мае буйны прамысловы комплекс, фармуючы 33,9% ВУП Бразыліі[2]. Штат таксама мае другі паводле паказчыку індэкс разьвіцьця чалавечага патэнцыялу і ВУП на душу насельніцтва. Гэты трэці штат паводле чаканай працягласьці жыцьця, чацьверты па ўзроўні нізкай дзіцячай сьмяротнасьці сярод іншых фэдэратыўных адзінак Бразыліі. Адзін толькі Сан-Паўлу багацейшы за Аргентыну, Уругвай, Парагвай і Балівію разам узятыя[3]. Маючы больш чым 46 мільёнаў жыхароў паводле зьвестак на 2019 год, Сан-Паўлу зьяўляецца самым густанаселеным бразыльскім штатам і самай густанаселенай тэрытарыяльнай адзінкай у Амэрыцы[4]. Галоўным горадам штату ёсьць Сан-Паўлу, які разам зь іншымі прылеглымі гарадамі Кампінас, Сантус, Саракаба і Сан-Жазэ-дус-Кампус, фармуе вялікую мэтраполію.

Сан-Паўлу
парт. São Paulo
Гімн Bandeirantes Anthem[d]
Агульныя зьвесткі
Краіна
Статус штат
Уваходзіць у Паўднёва-Ўсходні рэгіён[d]
Адміністрацыйны цэнтар Сан-Паўлу
Дата ўтварэньня 1889
Насельніцтва
  • 45 595 497 чал. (2018)
Плошча
  • 248 209,4 км²
Вышыня па-над узр. м.
 · сярэдняя вышыня

 514 м
Месцазнаходжаньне Сан-Паўлу
Сан-Паўлу на мапе
Мэдыя-зьвесткі
Часавы пас UTC-3, America/Sao_Paulo
Код ISO 3166-2 BR-SP
Афіцыйны сайт
   Дадатковыя мультымэдыйныя матэрыялы

Крыніцы рэдагаваць

Вонкавыя спасылкі рэдагаваць