Рыкарда Манталіва
Рыкарда Манталіва (па-італьянску: Riccardo Montolivo; нарадзіўся 18 студзеня 1985 году, Караваджа, Італія) — італьянскі футбаліст. Мае на сваім рахунку выступы за нацыянальную зборную Італіі.
| Рыкарда Манталіва | ||
 | ||
| Пэрсанальная інфармацыя | ||
|---|---|---|
| Нарадзіўся | 18 студзеня 1985 (39 гадоў) Караваджа, Італія | |
| Рост | 181 см | |
| Вага | 74 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003—2005 2005—2012 2012—2019 |
Аталянта Фіярэнтына Мілян |
73 (7) 219 (17) 129 (8) |
| Зборныя | ||
| 2007— | Італія | 66 (2) |
Біяграфія рэдагаваць
«Аталянта» рэдагаваць
Ягоная кар’ера пачалася ў клюбе «Аталянта». У сэзоне 2003—2004 гадоў ва ўзросьце 18 гадоў ён дэбютаваў за клюб. Першы сэзон для Рыкарда апынуўся ўдалым, ён правёў 41 матч і забіў 4 галы, а ягоны клюб «Аталянта» выйшла ў Сэрыю А. У свой дэбютны сэзон у Сэрыі А Манталіва згуляў 32 матчы й забіў 3 галы, але гэта не дапамагло ягонаму клюбу пазьбегнуць вылету ў Сэрыю B. Улетку 2005 году ён перайшоў у склад «Фіярэнтыны».
«Фіярэнтына» рэдагаваць
Нягледзячы на добрую гульню, паказаную за «Аталянту», свой першы сэзон за «Фіярэнтыну» ён правёў на лаўцы запасных. Але неўзабаве Рыкарда стаў сапраўдным лідэрам каманды й адным з ключавых гульцоў. У 2007 годзе Рыкарда атрымаў прыз найлепшага маладога гульца Сэрыі А.
У 2011 годзе Манталіва прыняў рашэньне пакінуць «Фіярэнтыну» з-за жаданьня гуляць у больш пасьпяховым клюбе[2].
«Мілян» рэдагаваць
18 красавіка 2011 году кіраўніцтва «Міляну» дамовілася аб пераходзе ў каманду паўабаронцы «Фіярэнтыны» й італьянскай зборнай. Хаўбэк падпісаў з «расанэры» дамову да 2016 году, пры гэтым заробак футбаліста будзе складаць 2,5 мільёну эўра ў год.
17 траўня 2012 году кіраўніцтва «Міляна» абвясьціла аб тым што Рыкарда афіцыйна стаў гульцом чырвона-чорных, пагадненьне падпісана на 4 гады[3].
Міжнародная кар’ера рэдагаваць
Рыкарда быў адным з ключавых гульцоў моладзевай зборнай Італіі. За асноўную зборную Італіі Манталіва дэбютаваў 17 кастрычніка 2007 году ў таварыскім матчы супраць зборнай ПАР.
Дасягненьні рэдагаваць
«Мілян»:
- Уладальнік Супэркубка Італіі: 2016
Італія
- Срэбраны прызэр чэмпіянату Эўропы: 2012
Крыніцы рэдагаваць
Вонкавыя спасылкі рэдагаваць
Рыкарда Манталіва — сховішча мультымэдыйных матэрыялаў