Рыгор Пукст

Рыгор Канстантынавіч Пукст (27 лістапада 1900, Гомель — 11 лістапада 1960, Менск) — беларускі савецкі кампазытар. Заслужаны дзяяч мастацтваў БССР (1955).

Рыгор Пукст
Рыгор Канстантынавіч Пукст
Дата нараджэньня	27 лістапада 1900
Месца нараджэньня	Гомель
Дата сьмерці	11 лістапада 1960
Месца сьмерці	Менск
Месца пахаваньня	Усходнія могілкі
Грамадзянства	Беларусь
Месца вучобы	Маскоўская дзяржаўная кансэрваторыя[d]
Прафэсія	кампазытар
Месца працы	Гомельскі дзяржаўны коледж мастацтваў[d] Беларуская дзяржаўная акадэмія музыкі Першы Нацыянальны канал Беларускага радыё
Дзеці	Яўген Рыгоравіч Пукст[d]
Узнагароды	Заслужаны дзяяч мастацтваў БССР

Жыцьцяпіс

Скончыў Маскоўскую кансэрваторыю (1928), з 1929 выкладаў у Омскім музтэхнікуме, у 1932 пераехаў у БССР.

Да Вялікай Айчыннай вайны выкладаў у Гомельскім музычным тэхнікуме, з 1945 — у Беларускай дзяржаўнай кансэрваторыі, музычнай вучэльні і музычнай школе ў Менску. З 1952 — хормайстар, пасьля мастацкі кіраўнік музычнага вяшчаньня Беларускага радыё.

Творчасьць

Аўтар опэраў «Машэка» (1945, па паэме Я. Купалы «Магіла льва»), «Марынка» (1955), «Сьвіцязянка», 6 сымфоніяў, хораў, рамансаў. Аўтар вядомай «Перапёлачкі» (1947). Пісаў музыку да фільмаў і тэатральных спэктакляў.

Узнагароды

Заслужаны дзяяч мастацтваў БССР.

Літаратура

• Журавлёв Д. Г. К. Пукст. — Мн.: 1963.

Вонкавыя спасылкі

• Біяграфія.ру (рас.)