Палуж
Па́луж — рака ў Краснапольскім раёне Магілёўскай вобласьці Беларусі і Бранскай вобласьці Расеі, правы прыток ракі Беседзі (басэйн Дняпра). Даўжыня 46 км (у межах Беларусі 30 км). Плошча вадазбору 343 км². Выдатак вады ў вусьці 1,5 м³/с. Сярэдні нахіл воднай паверхні 0,9‰.
| Палуж | |
| Агульныя зьвесткі | |
|---|---|
| Выток | каля в. Шалухоўка |
| Вусьце | Беседзь |
| Краіны басэйну | Беларусь, Расея |
| Вобласьці | Бранская вобласьць і Магілёўская вобласьць |
| Даўжыня | 46 км |
| Сярэднегадавы сьцёк | 1,5 м³/с |
| Плошча басэйну | 343 км² |
| Нахіл воднай паверхні | 0,9 ‰ |
Пачынаецца за 1 км на поўдзень ад вёскі Шалухоўка Краснапольскага раёну, вусьце за 2 км на паўднёвы ўсход ад вёскі Палуская Рудня Бранскай вобласьці. Цячэ паўднёвай часткай Аршанска-Магілёўскай раўніны.
Даліна выразная, трапэцападобная, шырынёй ад 0,3 км да 2,5 км. Абалона перарывістая, месцамі чаргуецца па берагах, забалочаная. Рэчышча каналізаванае ў вярхоўі на працягу 6,4 км (вёска Мануйлы — вёска Палуж 2), на астатнім працягу зьвілістае. Берагі стромкія, у нізкай плыні абрывістыя[1].
Крыніцы рэдагаваць
- ^ Блакітная кніга Беларусі. Энцыкл. — Мн.: 1994. С. 283
Літаратура рэдагаваць
- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 283