Нацыянальны цэнтар навуковых дасьледаваньняў «Дэмакрыт»

Нацыянальны цэнтар навуковых дасьледаваньняў «Дэмакрыт»
Тып	навукова-дасьледчыцкая ўстанова
Заснаваная	1961
Краіна	Грэцыя;
Разьмяшчэньне	Ая-Параскеві, Грэцыя
Ключавыя фігуры	Nick Kanellopoulos
Лік супрацоўнікаў	больш за 1000
Даччыныя кампаніі	Institute of Informatics & Telecommunications[d]
	www.demokritos.gr
	Нацыянальны цэнтар навуковых дасьледаваньняў «Дэмакрыт» у Вікісховішчы

Нацыянальны цэнтар навуковых дасьледаваньняў «Дэмакрыт», або НЦНД «Дэмакрыт» — найбуйнейшы дасьледчы цэнтар Грэцыі, у якім працуюць больш за 1000 навукоўцаў, інжынэраў, тэхнікаў. Гэта міждысцыплінарны навукова-дасьледчы цэнтар, які спэцыялізуецца на нанатэхналёгіях, энэргетыцы, ахове навакольнага асяродзьдзя, фізыцы элемэнтарных часьціц і ядзернай фізыцы, інфарматыцы і тэлекамунікацыяў^[1].

У навуковым цэнтры «Дэмакрыт» знаходзяцца самыя вялікія і самыя сучасныя дасьледчыцкія лябараторыі Грэцыі. У склад цэнтру ўваходзяць пяць інстытутаў: 1) Інстытут інфарматыкі і тэлекамунікацыяў, 2) Інстытут біялягічных навук і прыкладаньняў, 3) Інстытут ядзерных і радыяцыйных дасьледаваньняў, энэргетыкі, тэхналёгіі і бясьпекі, 4) Інстытут нанатэхналёгіяў, 5) Інстытут ядзернай фізыкі і фізыкі элемэнтарных часьціц. Таксама ў цэнтры працуе навуковая бібліятэка^[2]. НЦНД «Дэмакрыт» — адзіны цэнтар ядзерных дасьледаваньняў Грэцыі. Цэнтар быў створаны ў 1961 годзе як дзяржаўны дасьледчыцкі цэнтар ядзерных дасьледаваньняў на базе толькі што ўведзенага ў эксплюатацыю дасьледчыцкага ядзернага рэактара. У 1985 годзе цэнтар рэарганізаваны ў Нацыянальны цэнтар навуковых дасьледаваньняў «Дэмакрыт»^[1]. У 2011 годзе Грэцыю ахапіў эканамічны крызіс, што адбілася і на цэнтры «Дэмакрыт». Цэнтру давялося шукаць замежныя інвэстыцыі. Асноўнай задачай цэнтру зьяўляецца ўкараненьне інавацыяў, перадача тэхналёгіяў для нацыянальных ініцыятываў па разьвіцьці і паляпшэньні дасьледаваньняў і тэхналёгіяў у Грэцыі. Штогод 35% усіх навуковых прац у Грэцыі публікуецца супрацоўнікамі цэнтру «Дэмакрыт»^[3].

Галерэя рэдагаваць

Будынак інстытуту ядзернай фізыкі і фізыкі элемэнтарных часьціц
электрастатычны генэратар Ван дэ Граафа (1960), цяпер не выкарыстоўваецца
Паскаральнік іёнаў інстытуту ядзернай фізыкі
Дасьледчыца ў Інстытуце біялягічных навук і прыкладаньняў
У бібліятэцы цэнтру

Крыніцы рэдагаваць

^ ^а ^б Background & Current Situation (анг.). N.C.S.R. Demokritos. Праверана 3 мая 2017 г.
^ Contact Information (анг.). N.C.S.R. Demokritos. Праверана 3 мая 2017 г.
^ At a glance (анг.). N.C.S.R. Demokritos. Праверана 3 мая 2017 г.

Вонкавыя спасылкі рэдагаваць

[bgnd-1] а ^б Background & Current Situation (анг.). N.C.S.R. Demokritos. Праверана 3 мая 2017 г.

[2] Contact Information (анг.). N.C.S.R. Demokritos. Праверана 3 мая 2017 г.

[3] At a glance (анг.). N.C.S.R. Demokritos. Праверана 3 мая 2017 г.

[1]

[2]

[3]