Міхаіл Казлоў
Міхаіл Казлоў (нарадзіўся 12 лютага 1990 году) — беларускі футбаліст, паўабронца гарадзенскага «Нёману».
| Міхаіл Казлоў | ||
| ||
| Пэрсанальная інфармацыя | ||
|---|---|---|
| Нарадзіўся | 12 лютага 1990[1] (34 гады) | |
| Рост | 177 см | |
| Вага | 70 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Нёман Горадня | |
| Нумар | 47 | |
| Клюбы | ||
| Гады | Клюб | Гульні (галы)¹ |
| 2010—2014 | Дняпро Магілёў | 132 (1) |
| 2015—2019 | Віцебск | 116 (5) |
| 2020—2022 | Дынама Менск | 67 (2) |
| 2023— | Нёман Горадня | 30 (0) |
| Зборныя | ||
| 2011 | Беларусь (да 21) | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
З 2008 году гуляў за дубль магілёўскага «Дняпра». З 2010 году пачаў трапляць у асноўным склад. У сэзоне 2012 году як ужо трывалы гулец пачатковага складу дапамог клюбу перамагчы ў Першай лізе. Па прасоўваньні ў Найвышэйшую лігу захаваў трывалае месца ў асноўным складзе. Звычайна гуляў на пазыцыі апорнага паўабаронцы. У сэзоне 2014 году часам выкарыстоўваўся ў якасьці флянгавага абаронцы.
У студзені 2015 году знаходзіўся на праглядзе ў салігорскім «Шахцёры», але беспасьпяхова[3]. У лютым 2015 году скасаваў кантракт з «Дняпром»[4] і стаў гульцом «Віцебску»[5].
У складзе віцебскага клюба замацаваўся ў якасьці асноўнага апорнага паўабаронцы. У ліпені і жніўні 2015 году не гуляў праз траўмы, а пазьней вярнуўся ў асноўны склад. Пачатак сэзону 2016 году прапусьціў праз чарговага пашкоджаньня, але з чэрвеня вярнуўся да клюбных шэрагаў. У сэзоне 2017 году выходзіў на поле ва ўсіх 30 матчах чэмпіянату Беларусі. У сэзоне 2018 году быў адным з асноўных гульцоў каманды, але толькі ў канцы сэзону пачаў радзей зьяўляцца на пляцоўцы праз траўмы. Гулец дапамог дружыне заняць высокае чацьвертае месца ў чэмпіянаце Беларусі, а сам трапіў у сьпіс 22 найлепшых футбалістаў чэмпіянату. У сэзоне 2019 году заставаўся гульцом першай адзінаццатцы віцебскай каманды.
У сьнежні 2019 году далучыўся да менскага «Дынама»[6]. У сэзоне 2020 году пареважна зьяўляўся ў стартавым складзе, у 2021 годзе пачаў часьцей выходзіць на зьмену. У студзені 2022 году падоўжыў кантракт з сталічным клюбам[7]. У першай палове сэзону 2022 году чаргаваў выступы ў пачатковым складзе і зьяўленьні на замену, але ўлетку замацаваўся ў асноўным складзе. У сьнежні 2022 году па заканчэньні кантракту пакінуў сталічны клюб[8].
У студзені 2023 году трэнаваўся з гарадзенскім «Нёманам» і неўзабаве афіцыйна далучыўся да табару каманды[9]. У студзені 2024 году на два гады падоўжыў кантракт з клюбам[10].
Міжнародная рэдагаваць
У 2011 годзе згуляў адзіны матч за зборную Беларусі (да 21 году).
Дасягненьні рэдагаваць
- Срэбны прызэр чэмпіянату Беларусі: 2023
- Бронзавы прызэр чэмпіянату Беларусі: 2021
- У сьпісе 22 найлепшых футбалістаў чэмпіянату Беларусі: 2018
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Віцебск | 2015 | Найвышэйшая ліга | 18 | 2 |
| 2016 | Найвышэйшая ліга | 18 | 0 | |
| 2017 | Найвышэйшая ліга | 30 | 1 | |
| 2018 | Найвышэйшая ліга | 24 | 2 | |
Крыніцы рэдагаваць
- ^ а б в Mikhail Kozlov // Transfermarkt (мн.) — 2000.
- ^ а б в г https://dinamo-minsk.by/blr/asnouny-sklad/2022/kazlou-mikhail
- ^ Габовда и Козлов не подошли «Шахтеру», серб Чович по-прежнему на просмотре (рас.)
- ^ Михаил Козлов покинул "Днепр" (рас.)
- ^ "Витебск" подписал Михаила Козлова (рас.)
- ^ Михаил Козлов подписал контракт с минским "Динамо" (рас.)
- ^ Минское "Динамо" продлило контракты с Козловым и Бутаревичем (рас.)
- ^ Хаткевич, Козлов и Наумов покинули минское "Динамо" (рас.)
- ^ Официально: Михаил Козлов стал игроком "Немана" (рас.)
- ^ "Неман" продлил контракт с Михаилом Козловым (рас.)
Вонкавыя спасылкі рэдагаваць
- Статыстыка «ПБ-Инфо» (рас.)