Міха́сь Юдэле́віч (20 красавіка 1914, Смалявічы, Менская вобласьць — 1941) — беларускі драматург.

Міхась Юдэлевіч
Асабістыя зьвесткі
Імя пры нараджэньні Міхась Львовіч Юдэлевіч
Нарадзіўся 20 красавіка 1914
Смалявічы, Менская вобласьць
Памёр 1941
Літаратурная дзейнасьць
Род дзейнасьці драматург
Мова беларуская
Дэбют 1929

Біяграфія рэдагаваць

Нарадзіўся 20 красавіка 1914 году ў Смалявічах у сям’і саматужніка. З 1929 году пасьля заканчэньня сярэдняй школы ў Менску працаваў рабочым на гуце. У 1929—1931 гг. быў акторам у Менскім тэатры рабочай моладзі. У 1931—1935 гг. вучыўся ў Дзяржаўным інстытуце мастацтва ў Маскве. У 1935—1940 гг. працаваў у рэдакцыі газэты «Літаратура і Мастацтва», загадчык аддзелу тэатру Ўпраўленьня па справах мастацтва пры Саўнаркаме БССР. З 1940 году служыў у Савецкай Арміі, удзельнічаў у савецка-фінскай і ў Вялікай Айчыннай войнах. Загінуў у 1941 годзе на фронце[1].

Творчасьць рэдагаваць

Літаратурную працу пачаў у 1929 годзе. Адзін з аўтараў калектыўнай п’есы «Першы штандар» (апублікаваная і пастаўленая ў 1930 годзе). У 1932 годзе напісаў п’есу «Зямля гарыць», якая ставілася на радыё. Аўтар інсцэніроўкі «Як гартавалася сталь» паводле аднайменнага раману М. Астроўскага (1937), лібрэта опэры «Паўка Карчагін» (музыка П. Падкавырава, ставілася пасьля вайны ў кансэрваторыі як студэнцкі спэктакль). Перакладаў на расейскую мову асобныя творы беларускай драматургіі, у тым ліку п’есу І. Гурскага «Сваты» (1937), склаў зборнік «Аднаактовыя п’есы» для самадзейнай сцэны (1937). Пісаў вершы, прыпеўкі, якія зьмяшчаліся ў пэрыядычным друку[1].

Крыніцы рэдагаваць

  1. ^ а б Беларускія пісьменнікі (1917—1990): Даведнік. Склад. А. К. Гардзіцкі. С. 623